Hakan Calhanoglu dhe agjenti i tij Gordon Stipic thuhet se u përpoqën të sigurojnë një kontratë të re me Inter-in mes interesimit të Bayern Munich-ut.
Në javët e fundit, raporte të shumta nga Turqia dhe Gjermania detajuan interesin e gjigantëve bavarez për të blerë yllin zikaltër këtë verë. Ai dukej i hapur ndaj lëvizjes dhe ishte në kontakt me klubin, i cili po konsideronte të niste një ofertë prej 70 milionë euro për nënshkrimin e tij.
Pas ditëve të pasigurisë, Calhanoglu më në fund foli dhe lëshoi një deklaratë duke konfirmuar synimet e tij për të ecur përpara me Inter-in pavarësisht interesimit të Bayern-it, duke mbyllur idenë e një lëvizjeje të mundshme këtë verë.
“Gazzetta dello Sport” raporton se si Calhanoglu dhe agjenti i tij Stipic u përpoqën të përdorin interesin e Bayern-it për të siguruar një kontratë të re me Inter-in që do të përfshinte një vit shtesë në marrëveshjen e tij aktuale dhe një rritje të lehtë rroge.
Drejtuesit zikaltër e mbyllën menjëherë idenë, duke e bërë të qartë se një kontratë e re nuk do të ofrohej, duke bërë që mesfushori turk të tërhiqej dhe të përjashtonte një lëvizje te gjiganti bavarez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
