Presidenti i Shteteve të Bashkuara (SHBA), Joe Biden, do të marrë pjesë në takimin e Këshillit Evropian (KE), që do të zhvillohet më 25 mars. Blloku i vendeve evropiane synon të “rindërtojë” marrëdhëniet me SHBA-në.
Ka qenë presidenti i KE-së, Charles Michel, që e ftoi Biden-in, për të ndarë opinionet lidhur me bashkëpunimet e ardhshme midis SHBA-së dhe BE-së.
Takimi, që do të zhvillohet virtualisht mes Biden-it dhe udhëheqësve të BE-së, shihet si një hap drejt përmirësimit të marrëdhënieve, të cilat u përkeqësuan nën administratën e mëparshme të ish-presidentit të SHBA-së, Donald Trump.
Brukseli, përpjekje për të “rindërtuar aleancën transatlantike”
Presidenti i Këshillit Evropian, në Twitter shkroi se, “ka ardhur koha për të rindërtuar aleancën transatlantike”.
Ndërkohë, në një deklaratë, Shtëpia e Bardhë pohoi se Biden-i “do të angazhohet me udhëheqësit e Bashkimit Evropian (BE) për të rivendosur marrëdhëniet SHBA-BE”.
“Të punojmë së bashku për të luftuar pandeminë, ndryshimet klimatike dhe për thellimin e marrëdhënieve tregtare”, shtoi Michel.
Gjithashtu, ai pohoi se do të diskutohen dhe marrëdhëniet Kinë-Rusi, si pjesë e bisedimeve mbi interesat e përbashkëta të politikës së jashtme.
Takimi pason një shfaqje të unitetit midis Kinës dhe Rusisë. Ministrat e jashtëm të këtyre vendeve konfirmuan marrëdhëniet e tyre të ngushta në një takim më 23 mars.
Ministri i jashtëm kinez, Wang Yi, dhe homologu i tij rus Sergei Lavrov kritikuan Perëndimin për ndërhyrjen në punët e vendeve të tjera, ndërsa nxitën SHBA-në që të bashkohen sërish me marrëveshjen bërthamore të Iranit. SHBA-ja u tërhoq nga kjo marrëdhënie gjatë qeverisjes së ish-presidentit Trump.
Në një konferencë për shtyp, Yi kritikoi sanksionet e vendosura nga BE-ja, Britania, Kandaja dhe SHBA-ja kundër zyrtarëve kinezë për abuzimet e të drejtave të njeriut në Xinjiang.
Ndërkohë, Lavrov-i tha se sanksionet po afrojnë më shumë Rusinë dhe Kinën. Ai akuzoi Perëndimin se po u impononte rregullat e tyre shteteve të tjera, të cilët besojnë se duhet të mbështesin rendin botëror.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
