Biden falënderon Qatar-in dhe Izrael-in për përpjekjet për të siguruar lirimin e pengjeve amerikane
Shtëpia e Bardhë ka lëshuar një deklaratë nga presidenti amerikan Joe Biden për lirimin e dy pengjeve amerikanë të liruar nga Hamasi më herët këtë mbrëmje.
“Sot, ne kemi siguruar lirimin e dy amerikanëve të marrë peng nga Hamasi gjatë sulmit të tmerrshëm terrorist kundër Izraelit më 7 tetor”, thotë Biden.
“Bashkëqytetarët tanë kanë kaluar një kalvar të tmerrshëm këto 14 ditët e fundit dhe jam shumë i lumtur që së shpejti do të bashkohen me familjen e tyre, e cila është dërrmuar nga frika”, shtoi ai.
Sipas autoriteteve amerikane, këta individë dhe familja e tyre do të kenë mbështetjen e plotë të qeverisë së Shteteve të Bashkuara ndërsa shërohen, dhe ne të gjithë duhet “të respektojmë privatësinë e tyre në këtë moment”.
“Që nga momentet më të hershme të këtij sulmi, ne kemi punuar gjatë gjithë kohës për të liruar qytetarët amerikanë që u morën peng nga Hamasi dhe nuk i kemi ndërprerë përpjekjet tona për të siguruar lirimin e atyre që ende mbahen”, vijon Biden.
Shefi i Shtëpisë së Bardhë falënderoi qeverinë e Qatar-it dhe qeverinë e Izraelit për “partneritetin e tyre në këtë punë”.
“Jill dhe unë kemi mbajtur afër në zemrat tona të gjitha familjet e amerikanëve të pagjetur”, vazhdon ai. “Dhe, siç u thashë atyre familjeve kur fola me ta javën e kaluar, ne nuk do të ndalemi derisa të marrim të dashurit e tyre në shtëpi. Si president, nuk kam prioritet më të lartë se siguria e amerikanëve të mbajtur peng në mbarë botën”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE