Klubi i hendbollit nga Peja, Besa Famgas, ka arritur për herë të parë të kualifikohet në rrethin e tretë të Kupës së Evropës, duke mposhtur në ndeshjen e kthimit klubin e Borac nga Banjalluka me rezultat 29:22.
Ndeshjen e parë të zhvilluar në Banjallukë, djelmoshat nga Peja e humbën me shifrat 28:25, për ta përmbysur atë ne takimin e zhvilluar në palestrën “Karragaç” të Pejës.
Kujtojmë që në ndeshjen e parë, tifozët vendas kishin fyer kosovarët duke kënduar “vrisni shqiptarët”, episod ky i cili pritet të hetohet nga Federata Ndërkombëtare e Hendbollit.
Sa i përket takimit të zhvilluar në Pejë, djelmoshat e trajnerit Arben Muqolli treguan lojë të kujdesshme që nga minuta e parë e deri në fund.
Ndër meritorët për këtë fitore, ishte portieri Mursel Mehmeti i cili bëri 11 pritje.
Egzon Gjuka gjithashtu ishte shumë efikas, duke shënuar shtatë gola, ndërsa edhe Kastriot Jupa, Nikolla Prcen kontribuuan në këtë fitore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit
