Bellingcat etiketohet si “agjent i huaj” nga autoritetet ruse

Autoritetet ruse e kanë etiketuar agjencinë e lajmeve investigative “Bellingcat” si “agjent i huaj”.

Ky caktim shkoi edhe për nëntë gazetarë dhe tre organizata mediatike. Ky vendim i Moskës zyrtare erdhi disa orë pasi një gazetar rus fitoi çmimin Nobel për paqen në vitin 2021.

Mediat dhe qeveritë perëndimore thonë se fushata është krijuar për të penguar punën e tyre dhe për të frenuar kundërshtimin, diçka që Kremlini e mohon.

Përcaktimi i agjentit të huaj ka konotacione të epokës së luftës së ftohtë.

Të etiketuarit duhet të tregojnë në mënyrë të dukshme në të gjithë përmbajtjen e tyre se ata janë “agjentë të huaj”, diçka që dëmton të ardhurat nga reklamat.

Gjithashtu imponon kërkesa të rënda të raportimit financiar.

Ministria e Drejtësisë tha në një deklaratë se kishte shtuar tre kompani në regjistrin e agjentëve të huaj, përfshirë entitetin e regjistruar në Holandë “Stichting Bellingcat”.

Nëntë individë u etiketuan gjithashtu, përfshirë reporterë për BBC, transmetuesin amerikan RFE/RL, televizione të pavarura Dozhd dhe The New Times, ndër të tjera.

Dy mediat e tjera të etiketuara si agjentë të huaj ishin Kavkazsky Uzel (Nyja Kaukaziane) e cila mbulon ngjarjet në rajonin e paqëndrueshëm të Kaukazit të Veriut të Rusisë dhe botimin në internet të M.News.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.