![](https://albanianpost.com/wp-content/uploads/2021/10/Logo_Gray_Lg-2.jpg)
Moska zyrtare ka raportuar rritje të aktivitetit në rrjetet sociale ruse. Ky fakt, sipas tyre, u jep të drejtë autoriteteve ruse dhe zhvillimit të platformës së saj sovrane të internetit.
Ndërprerja globale e Facebook-ut, la me dhjetëra mijëra përdorues jashtë mediave sociale në pronësinë e saj, të hënën e 4 tetorit.
Rusia ka kërkuar prej vitesh të krijojë sovranitet më të madh mbi segmentin e saj të internetit.
Jo pak herë, autoritetet kanë bërë presion mbi firmat e huaja të teknologjisë për të fshirë përmbajtjen dhe të dhënat e ruajtura në Rusi.
Ai gjithashtu ka përmirësuar aftësinë e tij për të bllokuar platformat që thyejnë rregullat e tij.
![](https://albanianpost.com/wp-content/uploads/2021/10/65e59a9d6ff22dab3bb1bde61792a91ff4f9c23d.png)
Deklarata e Zakharova-s
Maria Zakharova, zëdhënëse e Ministrisë së Jashtme të Rusisë, deklaroi pas bllokimit të Facebook se kjo “i përgjigjet pyetjes nëse kemi nevojë për rrjetet tona sociale dhe platformat e internetit”.
Facebook e gjeti shkakun e ndërprerjes së saj në një ndryshim të gabuar të konfigurimit.
Rrjeti më i madh social i Rusisë, Vkontakte, ka shumë më tepër përdorues të përditshëm në vend sesa Facebook.
![](https://albanianpost.com/wp-content/uploads/2021/10/image-10.jpg)
Ajo raportoi një rritje të mesazheve dhe përdoruesve, pasi shërbimet e Facebook u ndërprenë.
Odnoklassniki, një tjetër rrjet social popullor, zbuloi se aktiviteti në faqen e saj ishte rritur gjatë ndërprerjes së Facebook.
Vkontakte dhe Odnoklassniki janë në pronësi të firmës ruse të teknologjisë Mail.Ru.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com