Rreth 3 mijë e 500 protestues kundër luftës në Ukrainë thuhet se janë arrestuar gjatë kësaj dite në të gjithë Rusinë. Lajmi është bërë i ditu nga agjencia ruse e lajmeve “Interfax” duke cituar Ministrinë e Brendshme.
Sipas raportit rreth 2 mijë e 500 njerëz morën pjesë në protestat në Moskë të dielën, nga të cilët 1 mijë e 700 u arrestuan.
1 mijë e 500 persona të tjerë protestuan në Shën Petersburg, ku 750 u arrestuan më pas.
Gjithsej 1 mijë e 200 persona të tjerë morën pjesë në protesta në pjesë të tjera të vendit dhe 1 mijë e 61 prej tyre u arrestuan.
Ata që u arrestuan u dërguan në stacionet e policisë lokale për t’u marrë në pyetje ku “po vendoset çështja e sjelljes së tyre para drejtësisë”, tha një zëdhënës i Ministrisë së Brendshme.
Sipas faqes së internetit të të drejtave të njeriut “OVD-Info, gjithsej” 10 mijë e 946 persona janë arrestuar në protestat kundër luftës në të gjithë Rusinë që kur Moska filloi pushtimin e saj në Ukrainë.
Megjithë shtypjes zyrtare të demonstratave ku protestuesit përballen me dënime me burg, që atëherë ka pasur protesta të përditshme.
Të premten, kritiku i burgosur i Kremlinit, Alexei Navalny u kërkoi mbështetësve të organizojnë protesta të dielën “në të gjitha sheshet qendrore të Rusisë dhe të gjithë botës”.
Ai u ka bërë thirrje rusëve që të mbajnë protesta të përditshme, duke thënë se ata nuk duhet të bëhen një “komb frikacakësh”.
Protestat e së dielës pasojnë një ditë të demonstratave globale kundër agresionit rus në Ukrainë.
Për 11 ditë radhazi, forcat ruse nuk i kanë ndalur bombardimet në Ukrainë në përpjekje për të kapur qytetet e mëdha si Kievin dhe Kharkiv.
Mbi 1.5 milionë ukrainas janë larguar nga vendi dhe mijëra ushtarë rusë kanë humbur jetën. Ndërkohë Ukraina vijon të rezistojë pavarësisht sulmeve ruse.
Kombet e Bashkuara raportojnë se janë vrarë 364 civilë, 1 mijë e 123 të plagosur dhe 759 të lënduar lehtë në Ukrainë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Firmat kineze kalojnë ‘nënëtokë’ në pagesat e Rusisë ndërsa bankat tërhiqen
-
Osmani kërkon mbështetjen e Zvicrës për anëtarësimin e Kosovës në KiE