Atleti i parë që rezultoi pozitiv me COVID-19 në fshatin Paralimpik të Tokios

Një atlet ka rezultuar pozitiv me Covid-19 në fshatin Paralimpik.

Në ditën kur fillojnë Lojërat, zyrtarët thanë se nëntë raste të tjera të reja ishin zbuluar gjithashtu në mesin e njerëzve që punonin në Lojërat Olimpike jashtë fshatit dhe se atleti, identiteti i të cilit nuk është zbuluar, ishte transferuar në një strukturë izolimi.

Tokio, e cila është nën një gjendje të jashtëzakonshme, në tërësi regjistroi 4 mijë e 220 raste të reja dhe nëntë vdekje nga Coronavirus gjatë fillimit të kësaj jave.

Madje, raste të shumta pozitive ka pasur edhe në mesin e atletëve Paraolimpikë të regjistruar jashtë vendit dhe në kampe stërvitore në Japoni para Lojërave.

Por ky rast është i pari që ka shkelur fshatin dhe ato që organizatorët e kanë quajtur vazhdimisht “protokolle të rrepta” që mbrojnë atletët dhe të tjerët brenda fshatit.

Masa Takaya, zëdhënësja për vitin 2020, konfirmoi se atleti tani do të hyjë në 14 ditë karantinë.

“Nga 1 korriku deri më 22 gusht u bënë gati 767 mijë teste dhe numri i rasteve pozitive ishte 236, që do të thotë se niveli i pozitivitetit po mbetet 0.03%”.

“Lidhur me numrin e fundit të rasteve të konfirmuara ditore, ishin pesë raste të gjetura në mesin e atyre që banonin në Japoni dhe ishin pesë raste të tjera të gjetura në mesin e atyre jo rezidentëve japan”, tha Takaya.

Ndërkaq, një burim raportoi një test pozitiv COVID midis një anëtari të stafit në ekipin e notit në një kamp përgatitor në Suzuka javën e kaluar, me dy atletë që më pas shkuan në izolim.

Gjithashtu u konfirmua se trajneri i ekipit të basketbollit, Haj Bhania, kishte rezultuar pozitiv për COVID në Mbretërinë e Bashkuar dhe nuk do të udhëtonte drejt Tokios për të marrë pjesë në Lojërat Olimpike.

Edhe pse spektatorët janë ndaluar t’i shikojnë ndeshjet nga afër, Takaya tha se planet ende po vazhdonin t’i lejonin nxënësit e shkollave të ndiqnin disa ngjarje Paralimpike.

“Do të zbatohen kundërmasa të plota për të siguruar që nxënësit e shkollës të jenë në gjendje të shikojnë Lojërat, dhe natyrisht vëzhgimet e fëmijëve dhe kujdestarëve do të bëhen para vizitë”, ka përfunduar ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.