As fansat e Taylor Swiftit “nuk ndahen nga vallja”, hedhin gjësende në drejtim të artistes

As këngëtarja, Taylor Swift, nuk i ka shpëtuar dot trendit të ri e të kritikueshëm, ku fansat po vazhdojnë të gjuajnë me objekte të ndryshme drejt artistëve në skenë.

Por, për dallim nga kolegët e saj, të cilët u goditën përgjatë kohës kur po performonin para qindra mijëra fansave, Taylor ka rënë pre e trendit kur po shkonte në prapaskenat e koncertit.

Në një video, tashmë virale në rrjetin social TikTok, ylli i hitit “Bad Blood” shihet teksa zbret nga skena e shoqëruar me ekipin e saj të sigurimit, dhe në një moment, kur ajo kalon pranë një sfondi të mbushur me fansa, ata nisin hedhjen e objekteve karshi saj.

Taylor ka reaguar shpejt duke vënë duart sipër kokës për tu mbrojtur, derisa ekipi i sigurimit është vënë në aksion për ta mbuluar atë dhe për ta futur sa më shpejt tek dera e parë dalëse.

@natashalitle11 @Taylor Swift @Taylor Nation I was enchanted to (kind of) meet you🫶🫶🫶#kctstheerastour #taylorswift #swifttok #KCN2 ♬ original sound – Natasha Litle

Në anën tjeter, këngëtari, Harry Styles është viktima e fundit e trendit të ri, të goditjes së artistëve përgjatë kohës sa ata interpretojnë këngët e tyre në skenë.

Styles, është goditur në sy nga një objekt i hedhur në skenë teksa po performonte në Vjenë ,duke shënuar incidentin e fundit në një listë gjithnjë në rritje të situatave të ngjashme javët e fundit.

Videoja e postuar në rrjetet sociale nga pjesëmarrësit e koncertit tregon yllin e “As It Was” duke ecur në skenë ndërsa një objekt e godet atë në sy gjatë një koncerti “Love on Tour”.

Ai shihet duke u dridhur nga dhimbja kur objekti e godet, dhe u përkul ndërsa i afronte duart në kokë për të mbledhur veten përpara se të vazhdonte të ecte përpara.

Incidenti fatkeq nuk është hera e parë që Styles është shënjestër e një objekti fluturues teksa po performonte në skenë, shkruan CNN, transmeton AlbanianPost.

Në vitin 2022, videot e postuara në mediat sociale treguan se Styles u godit po ashtu gjatë një koncerti në Los Anxhelos.

Styles i bashkohet sërish listës së artistëve që së fundmi janë goditur nga objektet teksa performojnë në skenë: Drake, Bebe Rexha, Kelsea Balerini dhe Ava Max.

Rexha dhe Drake ishin sulmuar me celularë që u hodhën në skenë, ku Bebe pësoi një dëmtim të rëndë në sy.

Në anën tjetër Balerini u godit në fytyrë në qershor kur një byzylyk iu hodh në drejtim të saj ndërsa ajo po performonte, duke e bërë atë të ndalonte këngën dhe të dilte nga skena, dhe Max u godit në fytyrë nga një pjesëmarrës i koncertit, i cili depërtoi skenën përpara se të hiqej nga ekipet e sigurimit.

Incidentet në rritje kanë ngjallur revolta nga artistë të tjerë si Adele, e cila i tha audiencës së saj në Las Vegas në fillim të këtij muaji që “të ndalojnë së hedhuri gjëra mbi artistët”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.