Lajme

Shqipëria

Ambasadori britanik përfundon misionin në Shqipëri

Nga Rajmonda Basha

30 Korrik 2021 / 13:01

Ambasadori i Britanisë së Madhe në Shqipëri, Duncan Norman, ka përfunduar misionin e tij.

Përmes një postimi në llogarinë e tij në Twitter, të premten e 30 korrikut, ai shkruan se është dita e fundit si ambasador në Tiranë.

“Kam kaluar 5 vite të mahnitshme. Ka qenë një nder dhe privilegj t’i shërbej vendit tim në një vend kaq të bukur me njerëz kaq mikpritës!”.

Vendin e tij do ta zërë Alastair King-Smith.

Sipas Norman, King-Smith do të fillojë një punë të mrekullueshme.

“E di që ai do të ketë sukses!”.

Duncan si ambasador 

Emërimi i Duncan nga Britania e Madhe në Shqipëri erdhi pas përfundimit të mandatit të ambasadorit Nicholas Cannon.

Ai e mori detyrën në Tiranë, në qershor të vitit 2016.

Emërimin e Ducan Norman e publikoi Ministria e Jashtme e Britanisë së Madhe në faqen zyrtare.

Ai është një diplomat me një karrierë diplomatike në këtë ministri që prej vitit 1990.

Më parë, ishte kreu i Njësisë së Zyrës së Jashtme dhe Komonuelthit në Afganistan.

Duncan u bashkua me FCO në 1990, dhe gjithashtu ka punuar në Daka, Tortola, Yerevan dhe Riad.

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com
  • Shqiperi
  • mision
  • Ambasadori britanik
  • Norman

    • Të fundit nga rubrika

    Lajmet kryesore

    Më të shikuarat

    Ahmeti për Mickoskin: Gjuajti me fishekzjarrë, unë me top dhe s’ka më të shtëna

    3d Rajoni

    Qendra për Mbrojtjen e Grave në vështirësi të mëdha financiare – gratë që ikin nga burrat dhunues shpejt mund ta humbin edhe këtë strehë shpëtimi 

    5d Lajme

    Pjesëmarrje masive në tubimin qendror të Frontit Evropian në Tetovë

    3d Kosova

    Kurti e cilëson “absurde” kërkesën e Francës dhe Gjermanisë për dërgimin e draftstatutit të Asociacionit në Kushtetuese para anëtarësimit në KiE

    14h Lajme