Ambasada britanike uron ditën e “dylberizmit”

Ambasada e Mbretërisë së Bashkuar në Kosovë ka uruar ditën ndërkombëtare kundër homofobisë.

“Gëzuar 17 maji, Dita Ndërkombëtare Kundër Homofobisë, Bifobisë & Transfobisë”, shkruan në rrjetin social Twitter nga ambasada britanike.

Po ashtu, nga ta u tha se “tema e këtij viti është ‘Gjithmonë së bashku: të bashkuar në diversitet’”.

*DYLBERIZM TAKEOVER*
Gëzuar 17 maji, Dita Ndërkombëtare Kundër Homofobisë, Bifobisë & Transfobisë (#IDAHOBIT – International Day against Homophobia, Biphobia & Transphobia). Tema e këtij viti është "Gjithmonë së bashku: të bashkuar në diversitet". 1/2 pic.twitter.com/2nx47M9N5C

— UK in Kosovo 🇬🇧 (@UKinKosovo) May 17, 2023

Çfarë simbolizon 17 maji?

Kjo ditë u formua në vitin 2004 për të tërhequr vëmendjen e politikëbërsve, liderëve shtetëror, opinionit, lëvizjeve shoqërore, publikut dhe mediave; për dhunën, diskriminimin dhe situatën me të cilën ballafaqohen personat lezbike, gejë, biseksual, transgjinorë dhe të gjithë ata që nuk konformohen me shumicën e normave të identitetit seksual dhe gjinor.

Kjo ditë festohet në më shumë se 130 vende të botës.

Ndërsa, Marcia Kadish (56), dhe Tanya McCloskey (52), nga Malden, Massachusetts, martohen në Cambridge City Hall në Massachusetts, duke u bërë partnerët e parë të të njëjtit seks të martuar ligjërisht në Shtetet e Bashkuara.

Gjatë ditës, 77 çifte të tjera të të njëjtit seks u martuan në të gjithë ShBA-në dhe qindra të tjerë aplikuan për licenca martese. Dita u karakterizua nga shumë festë dhe vetëm disa nga protestat e pritura u materializuan.

Më 18 nëntor 2003, Gjykata e Lartë e Massachusetts e shpalli ndalimin e shtetit amerikan për martesat e të njëjtit seks si jokushtetues, duke vendosur se shteti nuk mund të mohonte mbrojtjen, përfitimet dhe detyrimet që u jepen nga martesa civile dy individëve të të njëjtit seks që dëshirojnë të martohen.

Vendimi përmendi ndalimin e kushtetutës së shtetit për krijimin e qytetarëve të dorës së dytë. Gjykata më pas i dha shtetit 180 ditë për të ndryshuar ligjin. Përpjekjet e disa ligjvënësve për të futur një amendament në kushtetutën e shtetit amerikan që ndalonte martesat mes të njëjtit seks, por duke njohur bashkimet civile, dështuan.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.