Akar: Ankaraja, ndihmë në pastrimin e terroristëve

Ministri i Mbrojtjes, Hulusi Akar është shprehur se Turqia është duke ndjekur zhvillimet në rrethin Sinjar, Irak.

“Ankaraja është e gatshme të ofrojë ndihmë në pastrimin e terroristëve nga rajoni”.

Akar vuri në dukje se bashkëpunimi midis Ankarasë dhe Baghdad-it, si dhe Ankarasë dhe Irbil-it, do të çojë në zhvillime të rëndësishme në drejtim të luftës kundër terrorizmit.

“Ne mund të themi se jemi të vendosur t’i japim fund terrorizmit si rezultat i bashkëpunimit tonë me administratën rajonale dhe Baghdad-in”.

Ai u shpreh se të gjitha takimet e tij në Baghdad dhe Irbil ishin “produktive dhe konstruktive”.

“Të dyja palët kemi rënë dakord për disa çështje bilaterale.”

Gjithashtu ministri tha se “Turqia nuk dëshiron që Iraku të shfrytëzohet si një mjet konkurrence midis vendeve të ndryshme. Ankaraja beson se çështjet mund të zgjidhen përmes bisedimeve, dialogut dhe takimeve”.

“Çështja më e rëndësishme është garantimi i sigurisë përgjatë kufirit Turqi-Irak dhe lehtësimi i stabilitetit dhe sigurisë në mënyrë që njerëzit të jetojnë të qetë në këto zona”.

Shefi i mbrojtjes, vazhdoi duke thënë se “ai u kishte komunikuar zyrtarëve irakenë për luftën e vendosur të Turqisë kundër PKK-së. Ushtria turke do të vazhdojë luftën e saj derisa të eliminohet terroristi i fundit”.

Forcat e Armatosura irakene janë ende në proces të ristrukturimit.

“Turqia po planifikon të sigurojë ndihmë në këtë drejtim dhe të përcjellë përvojën dhe përvojën e saj të NATO-s në ushtrinë e Irakut”.

Referuar pranisë së terroristëve të PKK-së në rajonin e Sinjar-it pavarësisht marrëveshjes, Akar tha se “administrata qendrore në Baghdad është ende duke kryer punë për pastrimin e tyre”.

Turqia ka theksuar prej kohësh se nuk do të tolerojë kërcënimet e paraqitura ndaj sigurisë së saj kombëtare dhe u ka bërë thirrje zyrtarëve irakenë të ndërmarrin hapat e nevojshëm për të eleminuar grupin terrorist. /AlbanianPost.com

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.