Deputeti Haxhiu kritikon kryeministrin Kurti për pjesëmarrjen e tij në zgjedhjet parlamentare të Shqipërisë
Deputeti i Partisë Demokratike të Kosovës, Bekim Haxhiu, e ka kritikuar Kryeministrin e Kosovës, Albin Kurtin, për shkak pjesëmarrjes së tij në votim, në zgjedhjet parlamentare të Shqipërisë.
Këtë reagim e ka shfaqur përmes një shkrimi në llogarinë e tij në Facebook, të cilën e ka ndërlidhur me mbylljen e Qendrës së vaksinimit “1 Tetori”, në Prishtinë.
“Në vend se të merret me shpëtimin e jetës së qytetarëve të Kosovës, Kurti ka vendosur që prioritet t’i ketë zgjedhjet atje dhe politikën ta zhvillojë në Shqipëri”, ka shkruar Haxhiu.
Ai tutje e ka theksuar bashkëpunimin e Kosovës me Shqipërinë për sigurimin e vaksinave, dhe në vend të kësaj sipas Haxhiut, Kurti “ka vendosur të bëjë konkurrentin politik në Shqipëri kurse në anën tjetër qytetarët e Kosovës nuk mund të vaksinohen nga paaftësia e qeverisjes së tij për të siguruar vaksinat”.
Ndërkaq, kryeministri Kurti, ka shfrytëzuar të drejtën e tij të votimit për të votuar në zgjedhjet e 25 prillit, në Shqipëri, pak orë më parë.
Ai ka votuar në qendrën e votimit, njësia numër pesë, “Kopshti 31”, e cila gjendet në rrugën Pjetër Bogdani në Tiranë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla: Evropa të përgatitet për konflikt në rast se Rusia s’e humb luftën ndaj Ukrainës
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Osmani në SHBA takon George W. Bush
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
Lajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Gërvalla: Evropa të përgatitet për konflikt në rast se Rusia s’e humb luftën ndaj Ukrainës