Sheshi ‘Boris Johnson’ në Ukrainë | “The Times”: Në këtë mënyrë e shprehën edhe kosovarët mirënjohjen për Blairin
Në një fshat të Ukrainës së shpejti pritet të inaugurohet sheshi ‘Boris Johnson’ për nder të ish-kryeministrit të Britanisë së Madhe, ndaj të cilit populli ukrainas gëzon simpati të thellë për shkak të kontributit gjatë mandatit të parë, duke qenë një ndër liderët e parë perëndimorë që e vizitoi Ukrainën pas pushtimit rus dhe dërgoi armët e para për ushtrinë ukrainase.
E gazeta britanike “The Times” kujtoi se në këtë mënyrë e shprehën mirënjohjen edhe kosovarët shumë kohë më parë. Përveç shtatoreve e rrugëve, kontributi i liderëve perëndimorë, veçanërisht i presidentit amerikan, Bill Clinton, dhe kryeministrit britanik, Tony Blair, është shënuar në një mënyrë të veçantë nga kosovarët: pagëzimi i fëmijëve për nder të tyre.
“Një mirënjohje e ngjashme u tregua nga kosovarët ndaj Clintonit dhe Blairit për udhëheqjen e ofensivës së bombardimeve të NATO-s në vitin 1999 që ndaloi spastrimin etnik të shqiptarëve të Kosovës nga ushtria jugosllave. Disa rrugë anembanë kombit ballkanik u riemëruan pas dyshes; Tonibler kaloi në fjalor si emër për djem”, kujtoi mes tjerash gazeta e përditshme britanike.
Ndryshe, në bazë të Agjencisë së Statistikave të Kosovës (ASK), për shkak të kontributit të dyshes Clinton-Blair në lirinë dhe pavarësinë e Kosovës, aktualisht në vend janë gjithsej 30 meshkuj që mbajnë emrin Klinton, një që mban emrin Bill dhe katër të tjerë që janë pagëzuar me emrin Tonibler.
“Në Kosovë bëmë gjënë e duhur”: Roli i Blairit në bombardimin e Serbisë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke