Aksident në aksin Lushnjë-Berat, makina me 5 persona del nga rruga

Një aksident rrugor është regjistruar në aksin Lushnjë-Berat, në afërsi të fshatit Kashtbardhë, ku mësohet se një automjet me pesë persona në bord ka dalë nga rruga në një kthesë.

Në automjet raportohet se udhëtonin katër të rritur dhe një fëmijë.

Sipas të dhënave paraprake, dyshohet se shkak i aksidentit ka qenë shpejtësia.

Nuk raportohet për persona të lënduar rëndë.

Megjithatë, në spital janë dërguar për kontrolle mjekësore nëna dhe fëmija, të cilët pas ekzaminimeve nuk kanë rezultuar me dëmtime.

Zjarr në fshatin Bago të Kavajës, zjarrfikësit në terren për neutralizimin e flakëve

Një zjarr ka rënë në orët e mbrëmjes në fshatin Bago, në Kavajë.

Shkaqet e rënies së zjarrit ende nuk dihen, ndërsa pritet që ato të përcaktohen pas verifikimeve përkatëse.

Ndërkohë, forcat zjarrfikëse ndodhen në vendngjarje dhe vijojnë ndërhyrjen për të vënë flakët nën kontroll, si dhe për të parandaluar përhapjen e zjarrit në zonat përreth.

Ende nuk ka informacion mbi dëmet e shkaktuara nga zjarri.

Kryeministri Edi Rama mori pjesë sot në Forumin e Paqes në Paris.

Pas fjalimit, ku foli për zgjerimin e Bashkimit Evropian, protestat në Shqipëri dhe emigracionin, kreu i qeverisë u drejtua Pallatit Élysée, për darkën e organizuar nga presidenti Emmanuel Macron.

Nga pamjet që ka postuar shihet se kryeministri nën shoqërimin e bashkëshortes Linda Rama priten nga Macron dhe Briggite.

E Ngarkuara me Punë e Ambasadës së Shteteve të Bashkuara të Amerikës në Kosovë, Anu Prattipati, është takuar të enjten me shefin e Misionit të EULEX-it, Antero Lopes.

Lajmi është bërë i ditur përmes një njoftimi, ku thuhet se në takim është diskutuar për vazhdimin e bashkëpunimit në mbështetje të institucioneve të sundimit të ligjit në Kosovë.

Po ashtu, gjatë takimit është vënë në pah rëndësia e forcimit të stabilitetit dhe sigurisë në rajon.

Takimi vjen në kuadër të bashkëpunimit ndërmjet institucioneve dhe partnerëve ndërkombëtarë për mbështetjen e sundimit të ligjit dhe sigurisë në Kosovë.