E Ngarkuara me Punë e Ambasadës së Shteteve të Bashkuara të Amerikës në Kosovë, Anu Prattipati, është takuar të enjten me shefin e Misionit të EULEX-it, Antero Lopes.

Lajmi është bërë i ditur përmes një njoftimi, ku thuhet se në takim është diskutuar për vazhdimin e bashkëpunimit në mbështetje të institucioneve të sundimit të ligjit në Kosovë.

Po ashtu, gjatë takimit është vënë në pah rëndësia e forcimit të stabilitetit dhe sigurisë në rajon.

Takimi vjen në kuadër të bashkëpunimit ndërmjet institucioneve dhe partnerëve ndërkombëtarë për mbështetjen e sundimit të ligjit dhe sigurisë në Kosovë.

Gjeneral brigade Sefer Isufi është emëruar Këshilltar Ushtarak i Presidentes së Kosovës, Justina Shiroka-Pula.

Lajmin e ka bërë të ditur vetë Isufi përmes një postimi në rrjetet sociale, duke thënë se emërimi është bërë me vendim të Presidentes, e cila është edhe Komandante Supreme e FSK-së.

Ramadani: Nesër në orën 18:01, Kuvendi duhet ta ketë raportin për Arlindën

Deputeti i Aleancës, Burim Ramadani, ka kërkuar dorëheqjen e ministrave dhe ndjekjen penale të zyrtarëve shtetërorë pas vrasjes së Arlinda Zekajt.

Ramandani përmes një shkrimi në rrjetin social ‘Facebook’ ka kërkuar që Kuvendi i Kosovës të mblidhet sërish për të diskutuar përgjegjësinë institucionale për këtë rast.

“Qeveria e pret raportin deri nesër në orën 18:00, Kuvendi duhet ta ketë atë raport në orën 18:01. Duhet të mblidhemi sërish në Kuvend e ta diskutojmë përgjegjësinë!”, ka shkruar Ramadani.

Ai ka kërkuar që rasti i Arlinda Zekajt të pasohet me përgjegjësi politike dhe penale për zyrtarët që, sipas tij, kanë dështuar në ushtrimin e detyrave të tyre.

“Vrasja e Arlinda Zekajt duhet të përcillet me dorëheqje të Ministrave dhe ndjekje penale për zyrtarët e shtetit!”.

Protestuesit janë pozicionuar para Kryeministrisë ku janë djegur shiltet e vendosura rreth sofrës së dialogut të thirrur nga Kryeministri Edi Rama.