I boshatisur është paraqitur këtë mëngjes Fakulteti i Bujqësisë në Korçë, ku pedagogët janë paraqitur në ambientet e fakultetit, por studentët kanë bojkotuar mësimin.
Studentët nuk janë paraqitur në auditorë në shenjë mbështetjeje për protestën e zhvilluar në Tiranë.
Ndërkohë studentë dhe nxënës të gjimnazeve në Korçë kanë paralajmëruar edhe një protestë e cila pritet të mbahet rreth orës 11:00 në qendër të qytetit.
Mëngjesin e kësaj të enjteje, zona përreth Parlamentit të Shqipërisë është ‘blinduar” nga masa të rrepta sigurie.
Mjete të shumta policie dhe punonjës të shumtë të forcave të rendit janë vendosur pranë godinës së Kuvendit.
Pavarësisht pranisë së madhe të forcave të rendit, këtë të enjte nuk është vendosur kordoni, perimetri i zakontë i sigurisë përreth zonës.
Hamza propozon Eliza Hoxhën për presidente
Kryetari i Partisë Demokratike të Kosovës (PDK), Bedri Hamza, ka propozuar Eliza Hoxhën për presidente të shtatë të Republikës së Kosovës.
Propozimi i Hamzës vjen në minutat e fundit të afatit kushtetues për zgjedhjen e presidentit të ri, teksa Kuvendi i Kosovës ende nuk ka arritur një marrëveshje për zgjedhjen e kreut të shtetit.
Nëse presidenti nuk zgjidhet brenda afatit të përcaktuar, vendi shkon në zgjedhje të jashtëzakonshme.
Propozimi i Hoxhës vjen pas zhvillimeve të shumta politike gjatë ditës, me partitë që kanë bërë disa propozime për kandidatët për president.
Një zyrtar policor është prekur nga gazi lotsjellës gjatë protestës që po zhvillohet para ndërtesës së Kuvendit të Kosovës.
Polici është detyruar të futet brenda objektit të Kuvendit, pasi ekspozimi ndaj gazit ia kishte vështirësuar shikimin.
Ai është parë duke u larguar nga zona ku po qëndronin protestuesit dhe duke hyrë në ndërtesë për t’u larguar nga gazi.
Situata para Kuvendit vazhdon të jetë e tensionuar, ndërsa protestuesit po qëndrojnë pranë ndërtesës.
