![](https://albanianpost.com/wp-content/uploads/2024/07/foto-per-balline.jpg)
Kryenegociatori i Kosovës Besnik Bislimi dhe i ai i Serbisë, Petar Petkoviç, do të takohen këtë të martë në Bruksel në kuadër të dialogut për normalizimin e marrëdhënieve, derisa Emisari Special i Bashkimit Evropian për dialogun Mirosllav Lajçak, synon t’i bind palët të ndërmarrin “hapa konkretë” drejt implementimit të marrëveshjes së Brukselit/Ohrit.
“Fatkeqësisht nuk kemi parë ndonjë përparim në zbatimin e Marrëveshjes për Rrugën e Normalizimit. Megjithatë, puna jonë vazhdon nesër kur do të mbledh kryengociatorët për hapat konkretë për zhbllokimin e zbatimit të Marrëveshjes”, shkroi Lajçak në Facebook të hënën në mbrëmje.
Ky takim i kryenegocitorëve vije pasi më 26 qershor, pas takimit me përfaqësuesin e lartë të BE-së për politikë të jashtme dhe siguri, Josep Borrell, kryeministri Albin Kurti, refuzoi takimin me presidentin e Serbisë, Aleksandër Vuçiç, pa plotësimin e këtyre tri kushteve.
Formalizmi i Marrëveshjes Bazë, tërheqja e letrës zyrtare të ish-kryeministres së Serbisë dorëzuar Bashkimit Evropian dhe dorëzimi i Milan Radojiçiç dhe grupit të tij paramilitar terrorist tek autoritetet kosovare, derisa sipas Kurtit me këto kushte Kosova po e mbron Marrëveshjen e Brukselit dhe Ohrit, të cilat në vlerësimin e tij, janë “nën sulm”.
Kosova dhe Serbia arritën marrëveshje për rrugën drejt normalizimin e marrëdhënieve në fillim të vitit të kaluar, fillimisht në Bruksel të Belgjikës, pastaj në Ohër të Maqedonisë së Veriut. Por, përkundër insistimit të diplomatëve evropianë se Marrëveshja e Brukselit dhe Aneksi i Ohrit janë ligjërisht obligative, nuk kanë arritur t’i bindin palët që ta zbatojnë të njëjtën.
Ndryshe, Kosova nuk ka pranuar që prioritet kryesor të jetë themelimi i Asociacionit të komunave me shumicë serbe, ndërsa Serbia ka refuzuar t’i zbatojë obligimet që kanë të bëjnë me anëtarësimin e Kosovës në organizatat ndërkombëtare dhe me integritetin territorial të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bislimi e Petkoviç takohen në Bruksel për “hapa konkretë” drejt zbatimit të marrëveshjes
-
Gërvalla ia ngatërron emrin Kadaresë, e quan “Ismael”
-
Lajçaku synon t’i bind Bislimin e Petkoviçin të ndërmarrin “hapa konkretë” drejt implementimit të marrëveshjes
-
Gjendet i vdekur një person në banesën e tij në Prizren, Policia nis hetimet