![](https://albanianpost.com/wp-content/uploads/2024/06/449176703_1011397637011442_5689379342310511461_n.jpg)
Presidentja e Kosovës, Vjosa Osmani, ka qëndruar dy ditë për vizitë zyrtare në Itali ku ka marrë pjesë në samitin “Global Women Leades Summit” dhe është takuar me ish sekretaren e Shteteve të Bashkuara të Amerikës, Hillary Clinton.
Osmani, përmes një shkrimi në rrjetin social ‘Facebook’, ka thënë se Kosova do të mbështet gjithmonë aleatet e saj për një të ardhme më të mirë.
“Dy ditë të mbushura me diskutime përmbajtësore në Itali në “Global Ëomen Leaders Summit”, bashkë me ish-sekretaren e Shtetit të SHBA-ve, Hillary Clinton, ambasadoren Melanne Verveer, si dhe gra të tjera të jashtëzakonshme nga mbarë bota të cilat janë shembulli më i mirë i lidershipit transformues”.
“Republika e Kosovës do të qëndrojë gjithnjë në krah të aleatëve të saj për të siguruar një të ardhme më të qëndrueshme e më të sigurt për të gjithë!”, ka shkruar ajo.
Osmani së fundmi kishte marrë pjesë edhe në Samitin e nivelit të lartë të Paqes për Ukrainën.
Ajo gjatë këtij samiti kishte riafirmuar përkushtimin e Kosovës për ta vazhduar mbështetjen për Ukrainën deri në fitore si dhe do të flasë për rëndësinë e mbështetjes gjithëpërfshirëse globale për t’u arritur paqe afatgjate dhe e qëndrueshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Ikonë e letërsisë, “gjigant i letrave”, “ambasador i krijimtarisë shqiptare”, opozita për humbjen e Kadaresë
-
Bislimi e Petkoviçi nesër në Bruksel
-
Haxhiu kërkon nga Serbia transferimin e të burgosurve kosovarë
-
Konjufca thotë se Borrelli favorizoi Serbinë: Kjo do të ndryshojë pas ardhjes së Kallasit në krye të diplomacisë së BE-së