Esktradimi i Radojiçiç-it në Kosovë, Selimi: Kusht ironik, Kushtetuta e Serbisë ndalon ekstradimin
Ish-ministri i Punëve të Jashtme të Kosovës, Petrit Selimi, ka komentuar tri kushtet e kryeministrit të Kosovës, Albin Kurtit, të paraqitura së fundmi në Bruksel në kuadër të dialogut të nivelit të lartë, i cili s’prodhoi asnjë rezultat, meqë Kurti refuzoi takimin me presidentin e Serbisë, Aleksandër Vuçiç.
Selimi, në veçanti, ka analizuar kushtin e fundit të kryeministrit, më saktësisht dorëzimin e Milan Radojiçiç dhe grupit të tij paramilitar terrorist tek autoritetet kosovare.
“Kjo është ironike. Kushtetuta e Serbisë ndalon ekstradimin, nëse Serbia e refuzon Kushtetutën e vetë – ajo gjithashtu e njeh pavarësinë e Kosovës”, ka shkruar ai në platformën sociale, X.
Ajo çfarë mund të pretë Kosova, gjithë në këtë mes, sipas vlerësimit të Selimit, është gjykimi i Radojiçiç-it në Serbi.
Formalizimi i Marrëveshjes Bazë, tërheqja e letrës zyrtare të ish-kryeministres së Serbisë dorëzuar Bashkimit Evropian dhe dorëzimi i Milan Radojiçiç dhe grupit të tij paramilitar terrorist tek autoritetet kosovare, ishin së fundmi tri kushtet e paraqitura nga ana e kryeministrit, Albin Kurtit, për angazhimin e mëtejmë të Kosovës në procesin e normalizimit të raporteve me Serbinë.
Takimi i nivelit të lartë të dialogut i 26 qershorit përfundoi pa ndonjë rezultat konkret, meqë Kurti refuzoi takimin me presidentin e Serbisë, Aleksandar Vuçiç, pa plotësimin e këtyre tri kushteve.
3 kushtet, që nuk ekzistojnë, të Albin Kurtit për takim me Aleksandar Vuçiç-in
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Kadare do të mbetet mbrojtësi më i madh i identitetit evropian të shqiptarëve
-
Osmani: Kadareja ishte simbol i lirisë për të gjithë – trashëgimia e tij do të mbetet përjetësisht në zemrat tona
-
Udhëtimi i Kadaresë nga poezia si përfytyrim, në tokën e Kosovës
-
Gërvalla kërkon nga homologu turk përkrahje për t’u anëtarësuar në organizata ndërkombëtare