Selmanaj akuzon Qeverinë se po mban seancën për të ua mundësuar vazhdimin e mandatit Listës Serbe
![](https://albanianpost.com/wp-content/uploads/2024/06/l-3.png)
Deputeti i Lidhjes Demokratike e Kosovës, Driton Selmanaj, ka akuzuar Qeverinë e Kosovës se po mban seancën për të ua mundësuar deputetëve të Listës Serbe vazhdimin e mandatit.
Për këtë arsye sipas tij seanca po mbahet në kushte të jashtëzakonshme.
“Që dy herë kjo sallë është shfrytëzuar për të mbajtur seancë plenare, rasti i parë është për gazin lotsjellës dhe rasti i dytë është për të ua vazhduar Listës Serbe mandatin sepse rrezikohen që të humbasin mandatet”, ka thënë Selmanaj.
Pas kësaj deklarate Lista Serbe ka lëshuar seancën e Kuvendit të Kosovës.
Deputetët e Listës Serbe u kthyen sërish në Kuvendin e Kosovës, pasi kanë bojkotuar disa seanca që nga muaji shkurt – prezenca e tyre në Kuvend ka ardhur me qëllim që të mos i humbasin mandatet.
Kjo për shkak se me rregullore deputetët nëse nuk paraqiten për gjashtë muaj i humbin mandatet.
Lista Serbe për herë të tretë është duke e bërë të njëjtin veprim – ata vetëm nënshkruhen për t’i siguruar mandatet e tyre dhe më pas largohen nga seanca.
Seanca e Kuvendit të Kosovës, të enjten është duke u mbajtur në kushte të jashtëzakonshme në një sallë krejtësisht më të ngushtë sesa hapësira normale që ka kjo për shkak të renovimeve që po bëhen për rregullim e sistemit të votimit elektronik që pritet të zgjasë deri në fund të muajit gusht.
Në mesin e pikave që pritet të votohen në Kuvend janë themelimi i Komisionit Hetimor për ambalazhuesit e ujit, komisioni hetimor mbi përgjegjësitë e Ministrisë së Drejtësisë në raport me zjarrin në Institutin e Mjekësisë Ligjore dhe zhdukjen e mostrave të rastit “Dehari”.
Pritet të votohet edhe projekt-rezoluta për adresimin e gjetjeve të Raportit të Departamentit Amerikan të Shtetit (DASH).
Teksa në lexim të dytë pritet të shqyrtohet edhe projektligji për Zyrtarët Publikë, ai për Komisionin e Pavarur për Media dhe Projektligji për Këshillin Prokurorial të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani, BE-së: Urgjentisht largoni masat ndëshkuese ndaj Kosovës
-
Kurti kërkon nga Serbia transferimin e të burgosurve kosovarë: Republika jonë do sigurojë trajtim të pavarur e të paanshëm
-
Kurti për Kadarenë: U rrita në Kosovë kur ishim nën diktaturë të Beogradit, zërin e tij e dëgjoja si frymëzim
-
Dy dokumente pranohen si prova materiale në Speciale gjatë dëshmisë së Zyrapit
Lajmet kryesore
-
Gjenerali i ushtrisë së shkronjave
-
Sezoni turistik, nis patrullimi i përbashkët rrugor mes Shqipërisë dhe Kosovës
-
Jacques Attali: Macron lidhet me të majtën për një qeveri teknike, shmangni bashkëjetesën ose Olimpiada do të jetë si Berlini 1936
-
NYT: Kadare – i vetëm – e vendosi Shqipërinë në hartën e letërsisë botërore