![](https://albanianpost.com/wp-content/uploads/2024/06/v.jpg)
Presidenti i Serbisë, Aleksandër Vuçiç, ka thënë se shteti që ai udhëheqë është i “përkushtuar” për vazhdimin e dialogut me Kosovën që ndërmjetësohet nga Bashkimi Evropian.
Këto komente, Vuçiç i ka bërë përmes një postimi në Facebook, pas takimit që ka pasur me Komisioneren Evropiane për Çështjet e Brendshme, Ylva Johansson.
“Thashë se vendi ynë është plotësisht i përkushtuar për dialogun me Prishtinën, por është thelbësore që të sigurohet siguria e popullatës serbe dhe të kryhen pa vonesa të mëtejshme të gjitha obligimet nga marrëveshjet e arritura deri më tani”, shkroi Vuçiç.
Ai ka theksuar se “për çështjen e Kosovës jemi në një situatë jashtëzakonisht të vështirë”, derisa ka propaganduar se serbët nga Kosova “po vuajnë presion të padurueshëm dhe forma të tjera të shtrëngimit të shkaktuara nga lëvizjet e njëanshme të Prishtinës”.
“Theksova se Serbia është e përkushtuar për bashkëpunim në fushën e politikës së jashtme dhe të sigurisë me BE-në në atë masë që nuk do të rrezikonim interesat tona jetike kombëtare, politike dhe ekonomike”, shtoi.
Po ashtu, ai e ka falënderuar Komisioneren për njohjen e Serbisë nga BE-ja “si një partner i besueshëm për migracionin, ndërsa trajtimi i vendit tonë gjatë krizës së gjatë të emigrantëve është vlerësuar si jashtëzakonisht i përgjegjshëm, human dhe solidar”.
“Serbia vazhdon të monitorojë nga afër lëvizjet e migracionit dhe me përgjegjësi të marrë masa në këtë drejtim, siç konfirmohet sot nga Marrëveshja për Aktivitete Operative e realizuar nga Agjencia Evropiane e Rojës Kufitare dhe Bregdetare FRONTEX në Republikën e Serbisë”.
Kreu serb pohoi se e kanë mirëpritur miratimin e Rregullores për Krijimin e Instrumenteve për Reforma dhe Rritje për Ballkanin Perëndimor, “e cila siguron fonde për reforma gjithëpërfshirëse të rajonit tonë, me çka BE-ja ka treguar vendosmërinë e saj për thellimin dhe intensifikimin e integrimit evropian të Ballkanit Perëndimor”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ndalimi i festivalit “Mirdita, dobar dan”, MPJ: Vërteton se Serbia është kundër çdo lloj dialogu me Kosovën
-
Esktradimi i Radojiçiç-it në Kosovë, Selimi: Kusht ironik, Kushtetuta e Serbisë ndalon ekstradimin
-
Dëshmitari i 75-të në Speciale të hënën deklarohet në seancë të hapur
-
Osmani kërkon nga Holanda përkrahje për anëtarësimin e Kosovës në organizata ndërkombëtare
Lajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
Bardhi tha se kallëzoi Olsi Ramën në SPAK, kryeministri: Nuk ka pasur asnjë kallëzim
-
Refuzimi i Mickoksi-t për t’i miratuar ndryshimet kushtetuese: Për këtë arsye e zgjodhi “VLEN”-in dhe jo “Frontin Evropian”
-
Censi: Në Tiranë jetojnë 32% e popullatës, Kukësi dhe Gjirokastra më pak të banuarit