Dëshmitari i 73-të në Dhomat e Specializuara të Kosovës (DhSK), s’do të ketë masa mbrojtëse teksa dëshmia e tij do të zgjasë dy ditë.
Lajmin e ka bërë të ditur për Albanian Post zëdhënësi i DhSK-së, Christopher Bennett.
“Dëshmitari i së hënës nuk do të ketë masa mbrojtëse, kështu që dëshmia e cila ka gjasa të zgjasë dy ditë, duhet të jetë publike”, ka thënë Bennnett për AP.
Më 20 qershor, Griep ka njoftuar se trupi gjykues ka hedhur poshtë kërkesën e përbashkët të mbrojtjes për apelimin e vendimit për pranimin e disa deklaratave me shkrim të disa dëshmitarëve në çështjen gjyqësore ndaj ish krerëve të Ushtrisë Çlirimtare të Kosovës (UÇK).
Zyra e Prokurorit të Specializuar (ZPS), ka dorëzuar një parashtrim përmes të cilit ka njoftuar panelin e trupit gjykues në rastin e ish-krerëve të Ushtrisë Çlirimtare të Kosovës, që nuk do të mbështetet në dëshminë e 10 dëshmitarëve.
Prej mbi 300 dëshmitarëve në total, deri tani janë dëgjuar 72 prej tyre – shqiptarë, serbë, ekspertë ndërkombëtarë, ish-komandantë të UÇK-së e viktima të pretenduara të luftës – kryesisht në seanca të mbyllura.
Ish-presidenti i Kosovës, ish-kryeparlamentarët kosovarë dhe ish-shefi i deputetëve të Lëvizjes Vetëvendosjes (LVV), akuzohen nga e Zyra e Prokurorit të Specializuar (ZPS) për vrasje të pretenduara, torturë e trajtim mizor në periudhën midis viteve 1998–1999.
Në procesin gjyqësor që nisi më 3 prill 2023, katër ish-drejtuesit e UÇK-së u deklaruan të pafajshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
O’Brien: Radoijçiç s’është aktiv në Veri më siç ka qenë – na është premtuar se në Serbi do përballet me ligjin
-
Lajçak i përgjigjet Gërvallës për terroristët e Banjës: Qëndrimi i BE-së është i qartë – autorët të mbahen përgjegjës
-
Ministria e Kulturës iu ndau qindra-mijëra euro fonde organizatave që kanë lidhje me pushtetin
-
Lloga: Falënderim publik Kurtit për kontributin maksimal në deshqiptarizimin e institucioneve në RMV
Lajmet kryesore
-
Ministria e Kulturës iu ndau qindra-mijëra euro fonde organizatave që kanë lidhje me pushtetin
-
“Smart City”, projekti që synon rritjen e sigurisë publike
-
Macron tha se “njerëzit ju urrejnë” ndërsa ekstremi i djathtë synon të bëhet partia më e madhe në Francë
-
O’Brien: Radoijçiç s’është aktiv në Veri më siç ka qenë – na është premtuar se në Serbi do përballet me ligjin