Kryeministri i Kosovës, Albin Kurti, është takuar të premten me kryetaren e ardhshme të Komunës së Preshevës, njëherësh edhe këshilltaren politike në Zyrën e Kryeministrit të Kosovës, Ardita Sinani, të cilën e ka uruar fitoren e saj.
Përmes një shkrimi në rrjetin social ‘Facebook’, Kurti ka thënë se do ta vazhdojnë ta mbështesin Preshevën.
“E urova për fitoren bindëse dhe e përgëzova për suksesin e arritur. Krahas punës që po vazhdon në njësinë zgjedhore në Leran të Preshevës, meqë aty do të ketë rivotim të enjten e javës që po vjen, Arditën tani e pret një punë tjetër e rëndësishme për ndërtimin e një koalicioni të fortë për një qeverisje të qëndrueshme e në shërbim të qytetarëve. Për këtë të fundit më njoftoi se tashmë ka filluar angazhimin e saj të plotë e të sinqertë”.
“Vëmendja dhe mbështetja për Preshevën që nuk ka munguar gjatë qeverisjes sonë, vetëm sa do të rritet e shtohet me bashkëpunimin e afërt që do ta kemi”, ka shkruar Kurti.
Më 2 qershor, Sinani nga radhët e Partisë për Veprim Demokratik (PVD), shpalli fitoren në zgjedhjet lokale të Serbisë që u mbajtën të dielën në mbi 80 komuna, duke e cilësuar fitore historike për komunitetin shqiptar në Luginën e Preshevës.
Ajo njoftoi se PVD-ja fitoi rreth 4 mijë vota, ndërsa Alternativa për Ndryshim (APN) nën udhëheqjen e ish-kryetarit të Preshevës, Shqiprim Arifi, rreth 2 mijë e 850 vota.
E përderisa Sinani theksoi se do të qeverisë për katër vjetët e ardhshme, kreu i APN-së konsideroi se shqiptarët në Luginën e Preshevës kundërshtuan “politikat përçarëse” të kryeministrit të Kosovës.
Megjithatë, ndonëse PVD-ja shpalli fitoren në Preshevë, kryetari i APN-së shpalli fitoren në Bujanoc.
Arifi tha se kandidati i APN-së për kryetar të Bujanocit, Arbër Pajaziti, fitoi shumicën e votave dhe do të qeverisë për katër vjetët e ardhshme. Megjithatë, ai kritikoi ashpër Qeverinë e Kosovës për rreshtimin përkrah PVD-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel