Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
![](https://albanianpost.com/wp-content/uploads/2024/05/SigfridoRanucciReport-1024x576-1.jpg)
Sigfrido Ranucci, drejtuesi i emisionit Report në Rai 3, i cili pas një episodi për Shqipërinë ku shteti shfaqej si i kapur nga mafia dhe zyrtarët e lartë ishin të korruptuar, pati disa replika publike me kryeministrin e vendit, Edi Rama, garantoi se një seri e dytë do të transmetohet shumë shpejt, brenda këtij muaji.
Ranucci tregon pse nuk u transmetua pjesa e dytë e ‘Report’ për Shqipërinë
Kjo, pasi e lajmëruar fillimisht për t’u lëshuar të dielën pas serisë së parë, ajo anulua me arsyetimin se kryeministri Rama kishte kërkuar të ishte pjesë dhe po arrihej një akord për mënyrën se si ai do të përfshihej në format.
Emisioni është transmetim jo direkt dhe Rama nga ana tjetër, kishte kërkuar që ndërhyrja e tij të ishte në transmetim direkt.
Si iu përgjigj Engjëll Agaçi emisionit ‘Report’ dhe pse nuk u publikuan në dokumentar fjalët e tij?
Sa duket megjithatë, ujdia përfundimtare ende nuk është arritur, edhe pse Ranucci ka thënë se është në kontakt të vijueshëm me Ramën.
Gjatë një interviste për televizionin Syri, Ranucci sqaroi se nuk ka pasur asnjë censurë nga kreu i Qeverisë shqiptare dhe gjatë kësaj kohe ai është përpjekur që t’i përgjigjet interesimit publik rreth emisionit.
“Po punojmë për t’u rikthyer me materiale të tjera më të thelluara në analizën e nevojshme e duke respektuar kohën televizive. kemi respektuar disa investigime të tjera që kanë prioritet pasi për pak hymë në fushatën elektorale të zgjedhjeve evropiane e duhet të respektojmë dhe par situatën politike”, ka bërë me dije Ranucci.
Ai ka shtuar se seria gjithsesi do të jetë në transmetim shumë shpejt dhe se presion mbi ekipin e formatit nuk ka pasur, pavarësisht kritikave publike të vetë Ramës, apo kryeministres italiane, Giorgia Meloni, e cila e mbrojti homologun e saj shqiptar.
Mbi këtë të fundit, ai ka thënë gjithashtu se i vjen keq që një kryeministre italiane nuk ka besim te televizioni publik italian.
Intervista me Ramën, sipas Ranuccin, do të shohë kryeministrin të respektohet si kreu i një qeverie e siç respektohet çdo kush që intervistohet nga Report.
“Nëse ai do të pranojë, intervista do të respektojë formatin e Report, mendimi i tij do të përcillet ashtu siç e shpreh, në mënyrë integrale e nuk do të bëjmë prerje”, sqaroi.
Teksa, në mbyllje, tha se gjithsesi emisioni i zotëron përgjigjet e Engjëll Agaçit, sekretarit të përgjithshëm të Këshillit të Ministrave, i cili është edhe emri më i përfolur në dokumentar dhe përgjigjet e këtij të fundit, për Ranuccin, vërtetojnë edhe zbulimet e emisionit.
Si iu përgjigj Engjëll Agaçi emisionit ‘Report’ dhe pse nuk u publikuan në dokumentar fjalët e tij?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com