Sir Lewis Hamilton fiton garën e çeljes së sezonit të ri të Formula 1 në Bahrain por, ajo ishte çdo gjë veçse e thjeshtë për kampionin e shtatëfishtë të botës.
Max Verstappen, piloti i Red Bull tregoi se testet dhe provat e para-garave zyrtare, nuk ishin flluska në ajër por me të vërtetë që Red Bull ka përmbledhur një makinë më të shpejtë se Mercedes-i dhe këtë e konfirmon vetë Hamilton:
“Trysnia ishte i llahtarshme” – u shpreh Hamilton duke hapur sytë dhe duke marrë frymë thellë, momente pas garës dhe vijoi me – “ai [Verstappen] është një pilot fantastik dhe ata [Red Bull] kanë makinë më të shpejtë”.
E tillë ishte përshtypja për Hamilton dhe fitoren e tij të 96, në atë çka ai e cilëson si një nder garat më të vështira që ka hasur ndonjëherë… ose të paktën, aq sa mban mend:
“Pra, ishte një ndër garat më të vështira për mua në kaq shumë kohë. Por, të them të drejtën, kujtesa nuk është pika ime e fortë ndaj, mund të ketë pasur edhe të tjera”, tha Hamilton.
Ishte një duel i jashtëzakonshëm; aq sa Hamilton-i të kalonte vijën e finish-it me vetëm 0.7 sekonda larg Verstappen-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Finalja e Superiores do të arbitrohet nga Anthony Taylor
-
Opozita sllovake shpreson se votimi evropian do ta frenojë kryeministrin populist
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë