Jemi në gjysmë të vitit dhe rezultatet tregojnë se kënga “Flowers” e Miley Cyrus është kënga më e suksesshme e vitit deri më sot, derisa pesë këngët më të shitura të vitit janë për herë të parë në historinë e klasifikimeve, të gjitha nga artistet femra.
Kompania Official Charts, organizata britanike që përpilon tabela të ndryshme zyrtare të rekordeve në Mbretërinë e Bashkuar, Irlandë dhe Francë, ka njoftuar se kënga jashtëzakonisht e popullarizuar “Flowers” ka arritur 147 milionë transmetime dhe më shumë se 80 mijë shkarkime në gjashtë muajt e parë të vitit 2023.
Kjo e bën atë këngën më të madhe të këtij viti, deri më tani.
Himni i dashurisë për veten e Miley Cyrus është kënga e saj e parë që arrin të pozicionohet në pozitë të parë që prej “Wrecking Ball” të vitit 2014, dhe e njëjta pati një qëndrim 10-javor në numrin 1 në tabelën zyrtare në fillim të këtij viti.
Kënga u përfol se ishte për fundin e martesës së saj me aktorin Liam Hemsworth, pasi ajo publikoi këngën në ditëlindjen e Hemsworth më 10 mars.
Kompania Zyrtare e Listave deklaroi se “Flowers” ka vazhduar të bëhet singulli numër 1 më i gjatë i një artisteje femër në këtë anë të dekadës, duke barazuar performancën epike 10-javore të klasifikimit të këngës “I will always love you” të Whitney Houston dhe “Umbrella” e Rihanna-s.
Kënga “Escapism” e RAYE dhe 070 Shake është shitësi i dytë më i madh i vitit 2023, ndërsa “Kill Bill” i SZA gjendet në vendin e tretë.
Listën prej pesë këngëve më të shitura e përfundojnë kënga e PinkPantheress “Boy’s a Liar” dhe “Anti-hero” nga Taylor Swift.
Vlen të përmendet se si pesë këngët më të shitura të vitit janë të gjitha nga artistet femra – hera e parë që kjo ka ndodhur ndonjëherë në historinë e top-listave.
Për më tepër, ky vit shënon mungesën e Ed Sheeran nga “Top 10”, hera e parë që ndodh që nga viti 2016.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Një ditë para performancës së Besës në “Eurovision 2024” – krejt çfarë duhet të dini mbi Shqipërinë në këtë garë muzikore
-
Keith Urban ende përpiqet ta impresionojë Nicole Kidman-in me koncertet e tij
-
Kitara e zotëruar më parë nga Prince mund të kapë 600 mijë dollarë në ankand
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog