Ancelotti: Liga e Kampionëve është gara më e rëndësishme për Real Madrid-in, Vinicius është lojtari më i mirë në botë
Carlo Ancelotti vlerëson “përvojën” e ekipit të tij në Ligën e Kampionëve, pas ndeshjes spektakolare të mbrëmjes së kaluar ndaj Liverpool-it.
“Mbretërit” e fituan këtë ndeshje me rezultat 2:5, derisa në 14 minutat e para ishin duke humbur me dy gola epërsi.
Pas ndeshjes, foli në konferencën për media trajneri i Real-it, Carlo Ancelotti, i cili tha se ekipi i tij tregoi një përvojë të madhe pas momentit që ishin duke humbur me dy gola epërsi.
“Filloi shumë keq për ne, por për fat të mirë nuk e humbëm kontrollin në lojë dhe gradualisht u rikthyem”, tha fillimisht Ancelotti për “Sky Sport Italia”.
"All the times we are able to move from the pressure of Liverpool we are dangerous."
Carlo Ancelotti always has confidence in his Real Madrid side to bounce back. They do it time and time again 👊
🎙️ @julesbreach pic.twitter.com/rEfQ9Y3uIP
— Football on BT Sport (@btsportfootball) February 22, 2023
“Që nga fillimi ishim të rrezikshëm në sulm, por Liverpool-it po derpërtonte në krahun e majtë, kështu qe e rregulluam atë problem”, shtoi tekniku italian.
Karim Benzema nuk kishte shënuar asnjë gol në këtë edicion në Ligën e Kampionëve, derisa dy i shënoi në këtë ndeshje, pasi bashkëlojtarët e tij shënuan tre herë më parë.
Ancelotti e krahason përvojën e madhe të fituesit të Topit të Arta, ndërsa tha se ndikoi edhe pushimi në fundjavë (Benzema u la në pushim në fundjavë).
“Sigurisht që ishte një ndeshje që e motivoi, ne e pushuam në fundjavë për të qenë gati për këtë”.
“Kur je duke u mposhtur 2:0, përvoja e lojtarëve si Modric, Benzema e Kroos është thelbësore për të ndihmuar lojtarët e rinj të jenë të përqendruar”, shtoi Ancelotti.
Ancelotti: “Vinicius is the most decisive player in the world. There is no one like him. He’s been incredible again tonight for us”. ⚪️ #RealMadrid
“The veterans are crucial for us. Kroos, Benzema and Modrić lead the whole squad”. pic.twitter.com/07MuP9fs4q
— Fabrizio Romano (@FabrizioRomano) February 21, 2023
Vinicius Junior ishte ai që shënoi dy gola për ta barazuar rezultatin në pjesën e parë, derisa braziliani mori një vlerësim të lartë nga trajneri i tij.
“Për momentin, mendoj se ai është lojtari më vendimtar në botë. Gjithçka që ai bën është një driblim larg një mbrojtësi, një asistim apo një gol dhe e bën atë për 90 minutat e plota. Ai thjesht nuk ndalet kurrë”, tha italiani.
Asnjë ekip nuk kishte arritur të shënonte më parë katër gola jashtë Liverpoolit në Evropë, e lëre më pesë, kështu që taktika italian Ancelotti ka shkruar edhe një faqe tjetër në librat e historisë së futbollit.
“Për Real Madrid-in, dhe kështu ka qenë gjithmonë, Liga e Kampionëve është gara më e rëndësishme për klubin”.
“Sigurisht që nuk ka përfunduar ende, ne kemi bërë mirë në pjesën e parë të ndeshjes, por e dyta është ende për t’u luajtur dhe gjithçka mund të ndodhë”, tha mes tjerash trajneri italian.
Kujtojmë që ndeshja e kthimit në “Santiago Bernabeu” do të zhvillohet më 15 mars.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com