“Nuk më zuri gjumi gjithë natën”, Brnabiç shumë e mërzitur që në faqen zyrtare të qeverisë serbe u shkrua “Republika e Kosovës”
Kryeministrja e Serbisë, Ana Brnabiç, u ka kërkuar falje serbëve për siç tha ajo “gabimin e rëndë” kur në ueb-faqen zyrtare të Qeverisë së Serbisë në një postim për planin rreth dialogut u shkrua “Republika e Kosovës”.
“Ishte një gabim i rëndë, i pafalshëm i përkthyesit”, tha Brnabiç, pasi “gabimi” gjendej vetëm në versionin anglisht të njoftimit.
“Dua t’u kërkoj falje të gjithë qytetarëve tanë që një gabim kaq i rëndë është shfaqur në ueb faqen e Qeverisë së Republikës së Serbisë. Menjëherë e hoqëm atë faqe. Përgjegjësia është e ekipit të internetit të qeverisë dhe shërbimit të shtypit. Ne kontrolluam se për çfarë bëhej fjalë, ishte një gabim i rëndë dhe i pafalshëm i përkthyeses”, tha Brnabiç.
Aq rëndë tha që e përjetoi situatën saqë “nuk munda të flija mbrëmë”, deklaroi ajo.
“Nuk e di çfarë të bëj, nuk mund të vras veten për këtë”, shtoi, kur u pyet për akuzat që opozita po ia bën qeverisë për këtë “lëshim”.
“Por më vjen keq që po përdoret nga opozita për të fituar disa pikë politike”, shtoi.
Personi që e ka shkruar, siç u tregoi gazetarëve, “është mjeshtër i gjuhës angleze dhe punon në Qeverinë e Serbisë që nga viti 2001”.
Çfarë ndodhi?
Serbia zyrtarisht nuk e njeh Kosovën si shtet sovran dhe të pavarur dhe akoma i referohet me termin “Kosova dhe Metohia”, si një qëndrim zyrtar i tyre se Kosova vazhdon të mos jetë shtet në vete, por pjesë integrale e shtetit serb.
Përkundër se në vitin 2010 edhe Gjykata Ndërkombëtare e Drejtësisë e ka zyrtarizuar shpalljen e pavarësisë së Kosovës duke vlerësuar se akti nuk përbën kurrfarë shkelje të së drejtës ndërkombëtare dhe se paraqet vullnetin e popullit të Kosovës, Serbia vazhdon ta refuzojë këtë verdikt.
Në një njoftim në faqen zyrtare të Qeverisë së Serbisë në versionin anglisht në pjesën kur flitet për Kosovën shkruhet “Republika e Serbisë”.
Me ta vërejtur partitë opozitare në Serbi e kanë shpërndarë në publik duke aluduar se tashmë qeveria e ka njohur Kosovën shtet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE