Në nder të familjes Jashari, përfaqësues të politikës shqiptare kanë shkruar në median sociale Facebook për përkujtimin e masakrës së Prekazit.
President i Shqipërisë, Ilir Meta, ka bërë nderime në nder të familjes Jashari.
Meta shprehu mirënjohje për Adem Jasharin dhe familjen e tij, për sakrificën sublime që frymëzon kombin në çdo kohë, për mbështetje të palëkundur të lirisë dhe Pavarësisë së Kosovës.
“Në themelet e shtetit të Kosovës qëndron gjaku i bijve dhe bijave më të mirë të kombit, që ashtu si Jasharët e Drenicës martire 23 vjet më parë, i treguan mbarë botës se çfarë çmimi ka liria për shqiptarët. Të ardhmen e sigurt europiane kombi ynë do t’ia dalë ta ndërtojë mbështetur mbi sakrificat e Dëshmorëve dhe mbrojtjes së vlerave më të larta që trashëgojmë”.
Kryetari i Partisë Demokratike, Lulzim Basha, gjithashtu ka përkujtuar 23-vjetorin e Masakrës së Prekazit.
Basha shkruan se Jasharët i kanë treguar botës se atdhedashuria është e pamposhtur, pavarësisht barbarisë së agresorit.
“Dashuria për atdheun mund të shembë kalatë më të forta dhe mund t’u qëndrojë sulmeve më barbare. Kjo e vërtetë e madhe mishëron atë që Adem Jashari dhe familja Jashari bëri për atdheun, Kosovën dhe kombin shqiptar. Burra, gra e fëmijë ranë heroikisht duke vënë gjakun në themelet e Kosovës së lirë e të pavarur”.
Kryedemokrati theksoi se një rrugë e gjatë pret për t’u përmbushur amaneti i heronjve.
“Jam i sigurt se sakrificat e martirëve tanë në të dy anët e kufirit janë themel i fortë mbi të cilin do të ndërtojmë të sotmen e të nesërmen, me dinjitetin dhe përkatësinë tonë evropiane. Mbarë kombi ynë përulet sot me nderim përpara sakrificës sublime të Adem Jasharit, familjes Jashari, bijave dhe bijve të Kosovës që u flijuan në altarin e lirisë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Britania e Madhe do të votojë pro Kosovës në Këshillin e Evropës