Gëzim Ferizi, zyrtar në Drejtorinë e Urbanizimit në Komunën e Prishtinës, i cili ishte i akuzuar për manipulim me leje ndërtimore është shpallur i pafajshëm nga Gjykata Themelore e Prishtinës.
Shpalljen e këtij aktgjykimi e ka bërë trupi gjykues i udhëhequr nga gjykatësja Fatime Dermaku.
Dermaku, konsideron se nuk është provua se i njëjti ka kryer veprën penale “Keqpërdorim i pozitës apo autoritetit zyrtar”, raporton ‘Betimi për Drejtësi’.
Ndërsa, kundër këtij aktgjykimi, palët e pakënaqur kanë të drejtë ankese prej 15 ditësh pas marrjes së vendimit me shkrim.
Aktakuza ndaj Ferizit ishte ngritur më 25 janar të 2018, në cilësinë e inxhinierit të arkitekturës në Drejtorinë e Urbanizimit në Prishtinë, i cili thuhej se ka keqpërdorur detyrën e tij zyrtare, me ç’rast Komunës së Prishtinës i kishte shkaktuar dëm të konsiderueshëm material.
Në aktakuzë thuhej se Gëzim Ferizi kishte nxjerrë dy aktvendime të lejeve ndërtimore, por që pjesa tekstuale nuk përkonte me pjesën grafike.
I njëjti akuzohej se më 22 mars të 2013, kishte përpiluar aktvendimin e parë të lejeve ndërtimore për ndërtimin e objekteve afariste në objektin “A” dhe “C” në lagjen Mati 1, në Komunën e Prishtinës, ku investitor në këtë objekt është Latif Brajshori.
Ndërsa, më 10 qershor të 2013, kishte nxjerrë aktvendimin e dytë për lejen e ndërtimit për objektin “B”, ku investitor është “NNH Morina IB”.
Në aktakuzë sqarohej se pjesa tekstuale e lejes ndërtimore nuk përputhet me pjesën grafike, e që në pjesën grafike, sipas aktakuzës, kishte përfshirë edhe ngastrën kadastrale 741/14, e cila rrugë evidentohet në emër të Komunës së Prishtinës.
Në bazë të aktakuzës, kjo rrugë kishte qenë rrugë publike e pakategorizuar, ndërsa me anë të këtyre lejeve, u ishte mundësuar investitorëve ndërtimi i objekteve afariste.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Osmani takon Hovenierin: Vazhdimi i masave është i padrejtë