Drejtori i të ashtuquajturës Zyra për Kosovë, Petar Petkoviç, ka uruar qytetarët serb për festën e Vidovdanit nga Graçanica.
Petkoviç, u ka bërë thirrje qytetarëve serb që të festojnë në mënyrë të qetë.
Pasi sipas tij, “provokimet sikurse më parë mund të vijnë nga Prishtina”.
“Provokimet, si herët e mëparshme, mund të vijnë ekskluzivisht nga Prishtina. I bëj thirrje popullit tonë që në mënyrë paqësore dhe dinjitoze ta shënojë Vidovdanin, sepse sot kujtojmë vdekjen e heronjve tanë të mëdhenj që dhanë jetën në mbrojtje të Serbisë dhe Ortodoksisë”, ka shkruar ai.
Ai përmes një shkrimi në rrjetin social ‘Facebook’, është shprehur se kjo festë është bekim i madh për Graçanicën dhe popullin serb.
“Është një bekim i madh si për Graçanicën ashtu edhe për popullin serb që këtu është patriarku serb Porfirije. Prania e shtetit tonë të Serbisë dhe kishës sonë tregon unitet të mishëruar në vendin tonë të udhëhequr nga presidenti Aleksandar Vuçiq dhe kishën tonë të udhëhequr nga Patriarku Porfirije. Është shumë i nevojshëm bashkimi dhe forca e popullit tonë në Kosovë”, ka deklaruar ai.
Ndryshe, manifestimi tradicional i festës së “Vidovdan-it”, në vitin 2021 kishte kaluar pa incidente madhore.
Kështu kishte njoftuar Policia e Kosovës, përmes një komunikate për media, në të cilën ishte thënë se me kohë policia kishte përgatitur planin operativ për menaxhimin e situatës së sigurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ali Ahmeti fiton – përsëri – zgjedhjet, kësaj radhe i dyti me deputetë në nivel republikan
-
“Dita e Evropës”, Rama: Shqipëria, më afër se kurrë ëndrrës së vjetër
-
Për Putinin, Gaza është një dhuratë e përjetshme
-
Mungesa e instituteve hetimore, ngadalëson procesin për ngritje të aktakuzave për sulmin në Zveçan dhe Banjë