![](https://albanianpost.com/wp-content/uploads/2022/02/auto_kurti21646039580.jpg)
Kryeministri i Kosovës, Albin Kurti së bashku me ministrin e Financave, Hekuran Murati janë duke marrë pjesë në Samitin për Investime në Ballkanin Perëndimor që është duke u mbajtur në Londër.
Kurti përmes një postimi në rrjetin social “Twittër”, ka thënë se investitorëve potencialë do t’iu ofrohen mundësi për t’i zgjeruar bizneset e tyre.
“Ne po marrim pjesë në Samitin e pestë të Investimeve të Ballkanit Perëndimor nga #EBRD në Londër. Ne do të ofrojmë shumë mundësi për investitorët potencial për të zgjeruar bizneset e tyre dhe për të rritur ekonominë tonë”, ka thënë Kurti.
Together with MF @HekuranMurati we are participating at the fifth Western Balkans Investment Summit by #EBRD in London.
We will present many opportunities for potential investors to expand their businesses and grow our economy. pic.twitter.com/61mIutiFT1— Albin Kurti (@albinkurti) February 28, 2022
Në këtë samit do të marrin pjesë të gjashtë kryeministrat e vendeve të Ballkanit Perëndimor, të cilët kanë konfirmuar pjesëmarrjen.
Hapjen e Samitit do ta bëjë Oliver Varhelyi, Komisioneri i Bashkimit Evropian për Zgjerim dhe Fqinjësi në ora 9:00-9:15.
Sesioni interaktiv mes participantëve të gjashtë vendeve të Ballkanit Perëndimor, përfshirë edhe shtojca me pyetje/përgjigje do të jetë nga ora 9:15-11:00.
“Gjashtë kryeministra nga rajoni do të diskutojnë për të ardhmen e rajonit dhe mundësitë e investimeve”, thuhet në njoftimin e llogarisë zyrtare të Bankës Evropiane për Rindërtim dhe Zhvillim (EBRD).
Watch Live: Western Balkans Investment Summit 2022.
Six Prime Ministers from the region, @OdileRenaud and @OliverVarhelyi will discuss the future of the region & investment opportunities:
📅 28 February
🕰️ 9 AM GMT
LIVE: https://t.co/YNLvSxg9rj pic.twitter.com/wVJcbu3tj4— The EBRD (@EBRD) February 27, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com