Takimi Meta-Xhaferi: Çelja e negociatave për Shqipërinë dhe RMV-në, faktor për sigurinë e rajonit
Kreu i Shtetit, Ilir Meta, është takuar ditën e sotme të 11 janarit me Kryetarin e Kuvendit të Republikës së Maqedonisë së Veriut, Talat Xhaferi.
Ai e ka cilësuar këtë takim si “vëllazëror” dhe ka vlerësuar rëndësinë e bashkëpunimit ndërparlamentar.
“Kënaqësi të vlerësonim rëndësinë e thellimit të mëtejshëm, në të gjitha fushat, të marrëdhënieve të fqinjësisë së mirë mes vendeve tona, veçanërisht të bashkëpunimit ndërparlamentar”, ka shruar Meta në Facebook.
Gjithashtu ka theksuar se çelja e negociatave për të dy vendet do të sillte kontribute konkrete për stabilitetin në rajon.
“Çelja sa më parë e negociatave të anëtarësimit në Bashkimin Evropian për Shqipërinë dhe Maqedoninë e Veriut, si dhe liberalizimi i vizave për Kosovën do të sillte kontribute konkrete dhe tepër pozitive për konsolidimin e paqes, stabilitetit dhe sigurisë në rajon, si dhe për prosperitetin e qytetarëve tanë”, ka shtuar ai.
Sipas tij, është domosdoshmëri “zbatimi i plotë dhe jetësimi integral i Marrëveshjes së Ohrit, si një mundësi e shkëlqyer për konsolidimin e mëtejshëm të paqes e harmonisë ndëretnike, për forcimin e mëtejshëm të marrëdhënieve tona, si dhe për t’u afruar më pranë njëri-tjetrit dhe Bashkimit Evropian”.
Nga ana tjetër, Meta ka theksuar edhe rëndësinë e respektimit të lirive dhe të drejtave të shqiptarëve të Maqedonisë së Veriut.
“Me rëndësi respektimi i lirive dhe të drejtave të shqiptarëve, sipas standardeve më të avancuara evropiane, si dhe pjesëmarrja më e madhe dhe më cilësore e tyre, si faktor shtetformues, në jetën sociale, administrative e politike të Maqedonisë së Veriut”, ka shkruar Meta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE