Marcelo vendosi të qëndrojë te Real Madrid-i, edhe pse ai e dinte që e ka humbur vendin e titullarit dhe se nuk do të ketë shumë minuta në klub, ai përsëri vendosi që të qëndrojë.
Ka kohë që ai ka thënë se te Real Madrid-i do të qëndrojë deri në fund.
Dhe fundi vjen në verën e vitit 2022, kur edhe kontrata e tij me Real Madrid-in vjen në një fund.
Edhe pse ende 32 vjeç, Marcelo ka vetëm një ëndërr – që të pensionohet te Real Madrid-i.
Zëra brenda Valdebebas, qendrës stërvitore të Real Madrid-it, thonë se Marcelo po mendon që t’i varë këpucët në gozhdë në fund të sezonit.
Kapiteni i Real Madrid-it, e ka thënë dhe vazhdon ta thotë që nuk dëshiron të luajë në ndonjë klub tjetër përveç madrilenëve.
“Santiago Bernabeu” konsiderohet si shtëpija e tij e dytë dhe aty ai synon të vazhdojë edhe pas pensionimit.
Klubi i ka premtuar një rol në bordin drejtues, kur ai të varë këpucët.
Marcelo debutoi me Real Madrid-in në vitin 2007, dhe pas 15 viteve duket se aventura e tij si lojtar i madrilenëve po vjen në fund.
Marcelo ka fituar 22 tituj deri tani me Real Madrid-in, dhe dy tituj tjerë do ta bënin atë lojtarin më të trofeshëm në histori të klubit mbretëror.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Komisioni Hetimor për Shëndetësinë pa dakordësi, mazhoranca paralajmëron sërish bojkot
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë
