![](https://albanianpost.com/wp-content/uploads/2021/12/minimalistic-gray-textures-2560x1600-wallpaper_www-25.jpg)
Një hetim i emisionit “Ethet në të 90-tën” i kanalit italian RaiTre, ka nxjerrë në pah përfshirjen e autoriteteve serbe në prapavijën ekonomike të sulmuesit të Fiorentinës, Dusan Vlahoviç.
Ishte presidenti i “vjollcëve”, Rocco Comisso, që do të deklaronte dy ditë më parë se nuk do lejonte asnjë shantazh prej agjentëve.
Për mediat italiane, kompromentimi i negociatave për rinovimin e kontratës të Vlahoviç-it, ka të bëjë indirekt me Agjencinë Ndërkombëtare të Sporteve me seli në Beograd.
Agjencia, e krijuar në vitin 2015 e regjistroi Vlahoviç-in vetëm dy javë pas hapjes së saj.
![](https://albanianpost.com/wp-content/uploads/2021/12/Rocco-Commisso.-1024x607-1.jpg)
Fuqia e saj në botën e futbollit është rritur. Kjo, falë lidhjeve të thella me Partizan-in e Beogradit, një nga dy skuadrat e qytetit të kontrolluara nga shteti.
Por, zërat flasin edhe për disa anëtarë të qeverisë serbe.
Interesat ekonomike dhe lidhjet me politikën çojnë te Novac Nediç.
![](https://albanianpost.com/wp-content/uploads/2021/12/06ede9f1847861059cc62fc569e76982.jpeg)
Ky i fundit është sekretar i përgjithshëm i qeverisë Vuçiç.
Dokumentet e kompanisë zbulojnë një marrëdhënie midis Dejan Gërgiç, një nga partnerët e Zyrës Ndërkombëtare të Sporteve dhe Branislava Nediç.
Akti daton në prill të vitit 2007, kur Gërgiç mori përsipër drejtimin e Dominus LLC, një degë serbe e një kompanie me bazë në Delaware.
“Kantera” e agjencisë dhe e njerëzve që e ngritën, megjithatë mbetet klubi i futbollit “Partizani”.
Babai i Nediç, një avokat i njohur nga Beogradi, shërbeu si nënkryetar i klubit deri në vitin 2016.
![](https://albanianpost.com/wp-content/uploads/2021/12/IMG_4219.jpg)
Partizani mbetet në qendër të dinamikës sportive jo vetëm brenda kufijve serbë.
Shkëlqimi i agjencisë tërhoqi dhe interesin e Danilo Vuçiç, djalit të presidentit serb Aleksandër Vuçiç.
Burime të kualifikuara pranë lojtarit dhe Fiorentinës konfirmojnë se djali i presidentit është paraqitur si një nga agjentët e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com