Qendra për Informim, Kritikë dhe Aksion (QIKA), gjatë një aksioni te objekti i Këshillit Gjyqësor, kanë kërkuar të ndërmerren masa disiplinore ndaj gjykatësve për rastin e dhunimit në Gjilan.
Ky aksion simbolik u bë për të kundërshtuar aktgjykimin “seksist” të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare.
“Ky aktgjykim është krejtësisht i papranueshëm për neve sepse legjitimon dhunuesit dhe fajëson viktimën. Gjykata ka përdorur shprehje tejet seksiste dhe diskriminuese në bazë të gjinisë për të arsyetuar lirimin e dhunuesve”, thuhet në njoftim.
“Kërkojmë nga Këshilli Gjyqësor i Kosovës që menjëherë të ndërmarrë masa disiplinore ndaj gjykatësve të trupit gjykues të këtij rasti”, vijon njoftimi.
“Seksistat se kanë vendin në Gjykatë”, “Jo i bjen JO”, “Aktgjykim seksist”, janë disa nga mbishkrimet e vendosura para Këshillit Gjyqësor të Kosovës nga aktivistët e qendrës QIKA së bashku me disa organizata të tjera.
Aktivistja nga organizata “QIKA”, Leonida Molliqaj, tha se ky aktvendim legjitimon dhunuesit dhe fajëson viktimën.
“Gjykata ka përdorur shprehje seksiste dhe diskriminuese në bazë të gjinisë për të arsyetuar lirimin e dhunuesve”, tha ajo.
Ndryshe, më pesë dhjetor të këtij viti, Kryeministri i Kosovës, Albin Kurti, gjatë një konference për media teksa u pyet se si e komenton vendimin e Gjykatës në Gjilan për dhunimin e një vajze të mitur, ai thotë se “vendimi i tillë është i papranueshëm”.
“Gjuha e një aktgjykimi dhe vendimi të tillë është e papranueshme dhe jam i tronditur me atë gjuhe që është përdorur”.
“Duke mos e ditur rastin konkretisht jemi të njoftuar aq mesa mund të lexojmë, dhe shohim një gjuhë që vjen nga një mendësi e papranueshme. Sot do ta vizitoj departamentin që merret me luftimin e dhunës ndaj grave”.
“Rasti i Gjilanit, është një dëshmi më shumë se sa e thellë duhet të jetë referoma në sistemin e drejtësisë”, është shprehur Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nagavci kërkon nga Jasharaj të jetë më i matur me deklaratat
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës
-
KPA shtyn shpalljen e vendimit për ankimimin e Komisionerit Publik ndaj Alfred Ballës
-
Ranucci tregon pse nuk u transmetua pjesa e dytë e ‘Report’ për Shqipërinë
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës