Departamenti amerikan i Shtetit (DASH), ka deklaruar se nuk “komenton çështjet e brendshme pse disa vende nuk janë ftuar”, në Samitin për Demokraci.
“Presidenti Biden është zotuar të jetë nikoqir i Samitit të Demokracisë për të forcuar angazhimin tonë për pozicionimin e demokracisë dhe të drejtave të njeriut në zemër të politikës së jashtme të SHBA-së”, ka thënë një zëdhënës i Departamentit të Shtetit, raporton Zëri i Amerikës (VOA) në gjuhën serbe.
Për ngjarjen e cila është paraparë të mbahen më nëntë dhe 10 dhjetor të këtij viti, ende nuk është publikuar ndonjë listë zyrtare e vendeve që do të jenë pjesë e këtij Samiti.
Megjithatë, media amerikane Politico ka njoftuar se Shqipëria, Mali i Zi dhe Maqedonia e Veriut janë ftuar nga rajoni i Ballkanit Perëndimor, për dallim nga , Kosova, Serbia dhe Bosnja e Hercegovina.
Sipas Politico, ideja e Samitit lidhet me kërkesat zyrtare të administratës Biden, për angazhimet që SHBA mund të kërkonte nga vendet e ndryshme të ftuara në mbledhje.
Ai dokument përfshin një sërë angazhimesh të mundshme që bien nën tre temat kryesore të samitit: Luftimi i Korrupsionit, Luftimi i Autoritarizmit dhe Avancimi i Drejtave të Njeriut.
Ndërkaq, një grup i organizatave joqeveritare nga Kosova, ka kërkuar përmes një letre që, Shtetet e Bashkuara të shqyrtojnë thirrjen e Kosovës për të marrë pjesë në Samitin për Demokraci.
Albanian Post, ka siguruar letrën nga përfaqësuesit e shoqërisë civile, e cila i është dërguar Zëvendës ndihmës-sekretarit amerikan të Shtetit për Evropën dhe Euroazinë, njëherësh të dërguarit për Ballkanin Perëndimor, Gabriel Escobar dhe Koordinatores për Demokraci dhe të Drejta të Njeriut në Këshillin e Sigurisë Kombëtare, Shanthi Kalathil.
Në këtë letër janë dhënë arsyet e tyre pse Kosova do të duhej të ishte pjesë e kësaj iniciative.
Ndërkohë, ekziston ende mundësia që Kosova të jetë pjesë e këtij Samiti.
Kështu ka shpjeguar për Albanian Post, eksperti amerikan për Ballkanin Perëndimor, Alon Ben Meir.
Duke pasur parasysh afrinë e Presidentit të SHBA-së, Joe Biden me Kosovën, departamenti i shtetit mund të shqyrtojë ende ftesën e Kosovës për të marrë pjesë.
“Thënë kështu, lista e plotë e qeverive të ftuara nuk është bërë publike, dhe ka një shans të vogël që vende të tjera të mund të ftohen ende, sepse pjesa më e madhe e agjendës së Samitit është ende provë”, deklaroi eksperti Ben Meir.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
SHBA-ja mirëpret vendimin e Qeverisë për konvertimin e patentë shoferëve në RKS
-
Përfundon aksioni i policisë në restorantin e Radojiçiç-it: Gjithçka ka shkuar në rregull
-
KSHZ: Deri në orën 13:00 votuan mbi 300 mijë qytetarë
Lajmet kryesore
-
KSHZ: Deri në orën 13:00 votuan mbi 300 mijë qytetarë
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetik ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Kurti thotë se “s’ka faj” nëse dështon Kosova