Ministria e Shëndetësisë ka njoftuar se nga dita e premte nga ora 10:00 deri më 17:00, mund të bëhet vaksinimi në sheshin “Zahir Pajaziti”, në Prishtinë nga ekipet mobile për imunizimin e qytetarëve kundër COVID-19.
Ministria e Shëndetësisë ju ka bërë thirrje qytetarëve që të “shfrytëzojnë edhe këtë mundësi shtesë për t’u vaksinuar kundër COVID-19, si rrugën më të sigurt për parandalimin e infektimit nga COVID-19”.
“Një praktikë e këtillë do të fillojë së shpejti edhe në komuna të tjera të Kosovës”, thuhet në njoftimin e MSH-së në rrjetin social Facebook.
“MSh falënderon Forcat e Sigurisë së Kosovës (FSK) për mbështetje për aksionin e nesërm të vaksinimit në sheshin ‘Zahir Pajaziti’ në Prishtinë”.
Ndërkaq, gjatë ditës së enjte, Instituti Kombëtar i Shëndetit Publik në Kosovë ka raportuar 18 persona të infektuar nga COVID-19 dhe asnjë të vdekur.
Sipas Ministrisë së Shëndetësisë, gjatë 24 orëve të fundit janë shëruar gjithsejtë 23 persona.
Raste aktive me COVID-19, janë gjithsejtë 510.
Numri i të vaksinuarve brenda 24 orëve të fundit është gjithsejtë 5 mijë e 560.
Numri i të vaksinuarve me vetëm dozën e parë të vaksinës anti-COVID është gjithsejtë 833 mijë e 695 ndërsa numri i të vaksinuarve me të dy dozat është gjithsejtë 686 mijë e 238.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
Shtetet e Bashkuara pezullojnë dërgimin e bombave në Izrael
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog