Ansambli i Këngëve dhe Valleve “Qyteti i Obiliqit” ka rrëmbyer vendin e dytë në garën “International Folk Festival Tirana” (IFFT), një kompeticion i cili ka zgjatur tre ditë dhe brenda të cilit kanë marrë pjesë ansamble përfaqësuese të nëntë shteteve.
Në këtë garë internacionale Kosova është përfaqësuar nga AKV “Qyteti i Obiliqit”, përzgjedhja e të cilit është bërë sipas rregullave të FIDAF-it, ansambël i cili ishte themeluar në fund të vitit 2019 dhe që njëherësh është institucion kulturor që funksionon nën ombrellën e Departamentit të Kulturës, Rinisë dhe Sportit të Komunës së Obiliqit.
Ndër vendet pjesëmarrëse, me të cilat Kosova ishte në garë, ishin Meksika, Polonia, Bullgaria, Bosnja dhe Hercegovina, Mali i Zi, Maqedonia e Veriut, Greqia dhe Shqipëria.
Ansambli i Sofias së Bullgarisë mori vendin e parë, sipas vlerësimit të jurisë profesionale të përbërë nga përfaqësues të shteteve si; Turqia, Bullgaria, Kosova, Maqedonia, Greqia dhe Shqipëria.
Ndryshe, “International Folk Festival Tirana” është një festival që është i pranuar në FIDAF (Federata Ndërkombëtare e Vallëzimit dhe Folklorit), pjesë e të cilit Kosova është anëtare që prej vitit 2014-të, ndërsa Shqipëria është anëtarësuar në vitin 2019.
Grupet folklorike të cilat marrin pjesë në këtë garë, përfaqësojnë shtetet e tyre dhe prezantojnë traditën e tyre, me anë të valleve dhe këngëve.
Ndërkohë, pjesë e eventit ishin edhe vizita dhe aktivitete të ndryshme në vendet turistike të Tiranës, me qëllim promovimin e atraksioneve turistike.
Ky eveniment është organizuar me mbështetjen e Ministrisë së Kulturës së Shqipërisë dhe Bashkisë së Tiranës, në ambientet e Amfiteatrit të Tiranës.
Ndërsa, në ceremoninë e ndarjes së çmimeve ndër personalitetet e shumta, nga Kosova morën pjesë përfaqësues të Ministrisë së Kulturës, Rinisë dhe Sportit dhe Kryetari i Komunës së Obiliqit, Xhafer Gashi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Koncerti i Quavos “pa publik” ndez teorinë e egër konspirative të Chris Brown-it
-
“The Tortured Poets Department” i Taylor Swift-it zë vendin e parë me shitjet e saj më të mira në karrierë në javën e parë
-
Diddy parashtron kërkesë për të hedhur poshtë disa pretendime në padinë për sulm seksual mbi akuzat e vitit 1991
-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore
Lajmet kryesore
-
Komisioni Hetimor për Shëndetësinë pa dakordësi, mazhoranca paralajmëron sërish bojkot
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë