Gjigantët e automobilistikës gjobiten për bashkëpunim të paligjshëm

Kompanitë kryesore automobilistike të botës kanë marrë një gjobë prej 875 milionë euro në total nga Komisioni Evropian për bashkëpunim të paligjshëm.

Ky bashkëpunim ka të bëjë me kufizimin e konkurrencës në teknologjinë e pastrimit të emetimeve për makinat me djegie.

Kompanitë automobilistike të përfshira janë: BMW, Porsche, Audi, Volkswagen dhe Daimler.

Lajmin e ka bërë të ditur komisionerja evropiane, Margrethe Vestager, përmes një postimi në llogarinë e saj në platformën Twitter.

Total fine of €875 million to @BMW@Porsche @AudiOfficial @VW @Daimler for illegally colluding to restrict competition on emission cleaning technology for diesel cars. There are legitimate pro-competitive reasons to cooperate, but this went wrong! More: https://t.co/jvKGdpBXFJ

— Margrethe Vestager (@vestager) July 8, 2021

Ajo shkruan se “gjoba totale prej 875 milionë euro shkon për BMW-n, Porsche-n, Audi-n, VW-n dhe Daimler-in, për bashkëpunim të paligjshëm në kufizimin e konkurrencës në teknologjinë e pastrimit të emetimeve për makinat me djegie”.

Vestager ka shtuar gjithashtu se “ka arsye të ligjshme pro-konkurruese për të bashkëpunuar, por kjo shkoi keq!”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.