3 humbje jete nga Covid-19 dhe 118 raste të reja

Gjatë 24 orëve të fundit, tre persona kanë humbur betejën me coronavirus-in dhe kanë rezultuar pozitivë 118 qytetarë në Shqipëri.

Gjatë këtij muaji situata është paraqitur e normalizuar përsa i përket rasteve të reja dhe humbjeve të jetës.

Aktualisht në spitalet COVID, në Tiranë dhe në spitalet rajonale Shkodër, Durrës, Elbasan, janë duke u trajtuar 129 pacientë. 11 prej tyre ndodhen në terapi intensive, nga të cilët tre ndodhen në intubim.

Janë kryer 2 mijë e 79 testime dhe janë shëruar 719 qytetarë.

Fushata e vaksinimit masiv vijon gjithashtu me ritme të shpejta.

Ndërkohë deri më tani janë vaksinuar mbi 400 mijë shqiptarë.

Në Shqipëri kanë mbërritur deri tani mbi 730 mijë  doza të vaksinave anti-Covid, ndërsa janë siguruar përmes kontratave të deritanishme, 2.1 milionë doza.

Gjatë kësaj dite u mblodh sërish Komiteti i Ekspertëve, ku la në fuqi masat e marra më përpara për sa i përket fashës orare të lëvizjes deri në orën 22.00.

Ministria gjithashtu ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID-19.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.