Kryetari i Komisionit Zgjedhor në Partinë Demokratike (PD), Jemin Gjana, në konferencë për shtyp ka njoftuar se është përmbyllur rezultati i përgatitjes dhe deklarimit rezultatit përfundimtar të zgjedhjeve për kryetar në PD.
Rezultati i certifikuar nxjerr fitues Lulzim Bashën me 32 mijë e 882 vota.
Ndërsa pjesa tjetër e votave ndahet midis tre kandidatëve të tjerë, nga të cilët numrin më të madh ka marrë Agron Shehaj, 6 mijë e 38 vota. E dyta pas tij renditet Edith Harxhi, e cila ka fituar 983 vota dhe kandidati i fundit, Fatbardh Kadilli, me 781 vota.
Sipas tij, janë depozituar 76 kuti dhe janë regjistruar të dhënat në procesverbale.
“Vota të pavlefshme kanë rezultuar 413, ndërsa vota të vlefshme 40 mijë e 684 vota të ndara sipas kandidatëve”.
Kështu, Basha rikonfirmohet si kreu i demokratëve, me një fitore të ngjashme me atë përballë Sokol Olldashit në vitin 2013, kur ai fitonte me 80% të votave. Por, tashmë, 20%-shi i mbetur ndahet midis tre kandidatëve të tjerë.
Si kanë votuar demokratët shqiptarë në zona të ndryshme?
Numri më i lartë i anëtarësisë së demokratëve është i përqendruar në Tiranë. Në gjithë njësitë administrative të Tiranës vihet re një fitore e thellë e kryedemokratit.
Qarku i Durrësit, po ashtu, e sheh kryedemokratin në epërsi të thellë votash ndaj tre rivalëve të tij.
Një qark surprizë është ai i Vlorës, ku në disa njësi administrative, Shehaj ka epërsinë ndaj Bashës.
Kështu, në Selenicë, Shehaj kryeson ndaj Bashës me disa vota momentalisht. Shumë pranë është edhe zona e Himarës. Madje, edhe në zonën e qytetit të Vlorës, diferenca midis të dyve është thuajse e papërfillshme.
Kandidatët e tjerë, Harxhi dhe Kadilli, nuk janë gjë tjetër veçse efekte anësore në këto votime, të cilët rivalitetin kryesor kanë parë atë Basha-Shehaj.
Ndër zonat e tjera, ku vlonjati ka një performancë të mirë, janë ato të Fierit, Gjirokastrës, Korçës dhe Elbasanit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama ‘sfidon’ drejtësinë e SPAK të zbardhë të vërtetën, pasi Bardhi tha se është thirrur të dëshmojë për çështjen e “rihapur” ndaj Olsi Ramës
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Merr jetë projekti “Smart City”, Balla lajmëron monitorim e Tiranës me kamera e inteligjencë artificiale
-
Prokuroria kërkon 15 vjet burg, për autorin e vrasjes së 7-vjeçares me skaf në Himarë
Lajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Rama ‘sfidon’ drejtësinë e SPAK të zbardhë të vërtetën, pasi Bardhi tha se është thirrur të dëshmojë për çështjen e “rihapur” ndaj Olsi Ramës
-
Gërvalla: Evropa të përgatitet për konflikt në rast se Rusia s’e humb luftën ndaj Ukrainës
