Presidenti ukrainas Volodymyr Zelenskyy ka thënë gjatë një udhëtimi në Bullgari se Sofja ka rënë dakord të bashkëpunojë në mënyrë më aktive në sektorin e mbrojtjes.
Kjo, pasi Kievi po kërkon të forcojë mbështetjen midis anëtarëve të NATO-s për kundërsulmin e tij të vazhdueshëm.
“Ne diskutuam për ndihmën ushtarake që Bullgaria i jep vendit tonë”, ka treguar Zelenskyy gjatë një konference të përbashkët shtypi me kryeministrin bullgar, Nikolai Denkov.
“Ne llogarisim vazhdimin e bashkëpunimit, i cili tashmë ka shpëtuar shumë jetë”, ka shtuar ai.
Bullgaria ka një rezervë të madhe armësh të epokës sovjetike dhe baza e saj e prodhimit të armëve lidhet relativisht pa probleme me sistemet në përdorim në Ukrainë.
Por dërgesat e armëve nga vendi lindor i BE-së kanë qenë të ngadalta dhe janë kryer kryesisht nëpërmjet ndërmjetësve.
Kjo pjesërisht për shkak të këmbënguljes së presidentit bullgar që Sofja të përmbahet nga armatosja e Kievit.
Një qeveri e re pro-perëndimore në Bullgari, e cila mori detyrën në maj, është zotuar të përshpejtojë dërgesat dhe të eliminojë ndërmjetësit.
Madje, parlamenti bullgar ka miratuar një plan për të përshpejtuar rimbushjen e rezervave shtetërore të armëve dhe municioneve, duke hapur rrugën për dërgesat në shkallë të gjerë në Ukrainë.
Partia pro-ruse, e ekstremit të djathtë, Rilindja e Bullgarisë, e ka përshkruar vizitën si një provokim.
Kurse Kremlini ka thënë se vizita e Zelenskyy-t tregoi se Kievi po bënte gjithçka që mundej për të tërhequr sa më shumë vende të jetë e mundur në konflikt.
Politikanët bullgarë kanë vizituar Kievin gjatë vitit të kaluar, por ky ishte udhëtimi i parë i Zelenskyy-t në Bullgari që nga pushtimi në shkallë të gjerë i Moskës.
Udhëheqësi ukrainas pritej të udhëtonte për në Turqi për të takuar Presidentin Recep Tajip Erdogan përpara skadimit të marrëveshjes së grurit të Detit të Zi.
Marrëveshja e Detit të Zi, e cila i ka lejuar Ukrainës të eksportojë drithëra pavarësisht nga bllokada ruse, do të përfundojë më 17 korrik. Turqia, një aleate e NATO-s, luajti një rol të madh në negocimin e paktit.
Marrë nga “Financial Times”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
A do jap Taravari dorëheqje ashtu siç premtoi para zgjedhjeve?
-
Rundi i dytë i zgjedhjeve presidenciale në Maqedoninë e Veriut – Siljanovska-Davkova nga VMRO – DPMNE prin me rezultat të thellë
-
Lufta e Gazës: Vonesa e bombave amerikane, paralajmërimi më i madh deri më tani për Izraelin
-
Publikohen rezultatet e para: “Fronti Evropian” në avantazh ndaj “VLEN”
Lajmet kryesore
-
Publikohen rezultatet e para: “Fronti Evropian” në avantazh ndaj “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
A do jap Taravari dorëheqje ashtu siç premtoi para zgjedhjeve?