Willie Nelson anulon koncertet e fundit për shkak të gjendjes shëndetësore

Artisti amerikan Willie Nelson pritet të kthehet në turneun e tij së shpejti pasi anuloi disa koncerte, duke përmendur “urdhrat e mjekësore”.

Nelson, i cili mbushi 91 vjeç në prill, nuk ishte ende në gjendje të kthehej në skenë të mërkurën mbrëma kur edhe e kishte paralajmëruar koncertin e radhës.

“Willie Nelson nuk do të performojë në shfaqjen e sonte në Virginia Beach”, thuhet në një mesazh të postuar në llogaritë e Nelson në mediat sociale.

“Ne presim që Willie të kthehet në turne së shpejti”, shton më tej postimi.

Javën e kaluar, Nelson anuloi shfaqjet në turneun e tij të Festivalit Muzikor Outlaw për shkak të gjendjes shëndetësore.

Në një deklaratë ekipi i tij shkroi, “Me keqardhje ju informojmë se Willie Nelson nuk ndihet mirë dhe, sipas urdhrave të mjekut, është këshilluar të pushojë për katër ditët e ardhshme. Ai pritet të shërohet shpejt dhe të bashkohet me turneun e Outlaw Music Festival javën e ardhshme”.

Bob Dylan, Robert Plant, Alison Krauss dhe djali i Nelson, Lukas Nelson, së bashku me grupin e tij performuan siç ishte planifikuar.

Ndalesat e ardhshme të turneut të Nelson janë në Nju Jork të premten e 28 qershorit, njëjtë dhe të shtunën.

Në maj, Nelson publikoi një album të quajtur “The Border” dhe u shfaq në albumin “Cowboy Carter” të këngëtares Beyonce.

Ai u përfshi në “Rock & Roll Hall of Fame” vitin e kaluar dhe performoi me Sheryl Crow, Chris Stapleton dhe Dave Matthews.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.