Ministri i Shëndetësisë i Kosovës, Arben Vitia, në tre vjetorin e paraqitjes së rasteve të para me koronavirus, përmes një shkrimi në llogarinë e tij në Facebook, ka falënderuar të gjithë stafin shëndetësorë për shërbimin e tyre.
“Sot më 13 mars, para tre viteve, patëm njoftuar për dy rastet e para të coronavirusit në Kosovë. Shumëçka ndodhi në jetët e gjithsecilit përgjatë kësaj kohe. Shumëkush u ndikua në mënyrë dramatike. Në sytë dhe mendjet e të gjithëve janë fytyrat dhe emrat e mjekut apo mjekes që u gjend para secilit pacient, në ato çaste të ankthit, pasigurisë dhe vështirësive shëndetësore”, ka shkruar Vitia në Facebook.
Tutje, ai shtoi se u jemi falënderues përjetë të gjithë personelit mjekësor, duke thënë se “i mbrojtën jetët e secilit duke vënë të tyren në dispozicion”.
“Si kurrë më parë të gjithë ju ishim falënderues për çka bënë për qytetarët. U jemi falënderues përjetë personelit shëndetësorë”, potencoi ai.
Ndërkaq, ai nënvizoi se me respekt dhe dhimbje të thellë i kujtojmë të gjithë mjekët, infermierët dhe stafin ndihmës shëndetësor që si pasojë e Covid-19 humbën jetën e tyre.
“Sakrifica e tyre deri në vetëmohim duhet të jetë detyra jonë për t’u angazhuar pa u ndalur për sistemin shëndetësor të vendit tonë”, tha Vitia në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Macron: Kemi hezituar shumë gjatë, Rusia nuk mund të fitojë në Ukrainë
-
Rusia nën akuzë për kryerjen e një sulmi të qëllimshëm në një spital në Siri
-
Kuvendi po shkel të drejtën e diasporës për të votuar, thotë Alibeaj
-
Haxhiu e quan opozitën palaço: S’keni as kauzë, as plan, kjo është fatkeqësi për Qeverinë
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
Interpelanca/ Salianji: Situata e kriminalitetit është e rëndë, Balla: Në vitin 2023 niveli më i ulët i vrasjeve
-
Versioni i Trump: Sërish dhunë nëse nuk fitoj? Varet
-
Sulmet e Metës dhe paraqitja e Veliajt në SPAK, Gonzato: Nuk komentojmë hetimet, por e mbështesim prokurorinë