![](https://albanianpost.com/wp-content/uploads/2021/01/41_A_Balanced_Vegetarian_diet_for_Toddlers_605x380.jpeg)
Sipas një studimi të ri, ushqyerja me vezë e fëmijëve, ndihmon në zhvillimin mendor të tyre. Një vezë në ditë për gjashtë muaj, rrit konsiderueshëm nivelet e lëndëve ushqyese si kholine dhe DHA-se tek vogëlushët.
Të dyja këto lëndë janë të përfshira në shëndetin mendor.
Autorja kryesore e studimit, Lora Lannotti, nga Universiteti i Washingtonit, thotë: “Ashtu si qumështi ose farat, edhe vezët ndihmojnë në rritjen dhe zhvillimin e një organizmi dhe, për më tepër, kanë përmbajtje të lartë në lëndë ushqyese”.
Vezët sigurojnë acide yndyrore esenciale, proteina, kholine, vitaminat A dhe B12, selen dhe lëndë të tjera ushqyese të rëndësishme.
Shkencëtarët monitoruan më shumë se 160-të fëmijë të moshës 6-9 muaj. Nga të gjithë foshnjat, 80 prej tyre u ushqyen me vezë çdo ditë për gjashtë muaj, ndërsa të tjerët jo. Më pas i’u matën nivelet e vitaminave dhe mineraleve nëpërmjet testeve të gjakut.
Gjetjet e studimit u publikuan nga revista amerikane e “Dietologjisë”.
Rezultatet treguan se foshnjat që u ushqyen me vezë kishin nivele shumë më të larta të kholines dhe DHA-së, një lloj acidi yndyror omega 3, ku të dyja këto lëndë ushqyese luajnë një rol të rëndësishëm në zhvillimin dhe funksionin mendor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com