![](https://albanianpost.com/wp-content/uploads/2024/06/WhatsApp-Image-2024-06-29-at-2.11.05-PM.jpeg)
Brenda një kohe të shkurtër pritet të nisë në Shqipëri zbatimi i projektit “Smart City”, për rritjen e sigurisë publike në vend dhe parandalimin e aksidenteve rrugore në akset kryesore kombëtare.
Ministri i Brendshëm Taulant Balla, së bashku me drejtues të lartë të Policisë së Shtetit ndoqën një prezantim në Ministrinë e Brendshme, nga përfaqësuesit e Emirateve e Bashkuara Arabe të projektit përfundimtar “Smart City”.
Ai do të shtrihet në 20 qytetet kryesore në vend dhe zonat turistike me më shumë vizitorë.
“Ky projekt, zbatimin e të cilit shpresojmë ta fillojmë së shpejti, synon rritjen e sigurisë në komunitetet tona, mbrojtjen jetës dhe të pronës private, monitorimin e trafikut etj. përmes një sistemi gjithëpërfshirës zgjidhjesh teknologjike”, tha ministri gjatë takimit.
Projekti parashikon shtrirjen e kamerave të sigurisë, kamerave për leximin automatik të targave të automjeteve, të ndërlidhura mes tyre, nëpërmjet të cilave do të realizohet monitorimi dhe identifikimi në kohë reale i mjeteve që qarkullojnë në akset rrugore të cilësuara me interes prioritar për Policinë si dhe në Pikat Kufitare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vrasja e Pjerin Xhuvanit, Apeli ndryshon vendimin: 7 vite burg për Paplekajn
-
Makthet dhe ëndrrat e “diktatorit” të shkronjave
-
Bashkëpunimi policor me Moldavinë, Balla: Intensifikojmë numrin e marrëveshjeve
-
“Ikonë e letërsisë, “gjigant i letrave”, “ambasador i krijimtarisë shqiptare”, opozita për humbjen e Kadaresë