Kryeministrja finlandeze, Sanna Marin, po përballet me reagimin e ashpër të njerëzve pas publikimit të një videoje, ku ajo shihet duke festuar.
Në pamjet, që mendohet se janë marrë nga rrjetet sociale, ajo dhe miqtë e saj – të famshëm finlandezë – shihen duke kërcyer dhe kënduar.
Marin është përballur me kritika nga partitë opozitare, ku njëri nga liderët i ka kërkuar të bëjë një test droge.
36-vjeçarja mohoi të kishte marrë drogë, duke thënë se ajo pinte vetëm alkool dhe thjesht festonte “në një mënyrë të zhurmshme”.
Kryeministrja më e re në botë shpesh është fotografuar në festivale muzikore.
Vitin e kaluar ajo kërkoi falje që shkoi në klub pasi ra në kontakt të ngushtë me një rast COVID-19.
Vetëm javën e kaluar, Marin u quajt “kryeministrja më e lezetshme në botë” nga gazeta gjermane Bild.
Duke komentuar videon të enjten, ajo tha se e dinte se po filmohej, por ishte e mërzitur që videoja ishte bërë publike.
“Kam kërcyer, kënduar dhe festuar – gjëra krejtësisht të ligjshme”, shtoi ajo.
Politikanë të partisë opozitare e kanë kritikuar si kryeministren ashtu edhe mediat që flasin për parti në vend të problemeve më të rëndësishme të brendshme.
Marin tha se nuk ndjente nevojë të ndryshonte sjelljen e saj.
“Do të jem saktësisht i njëjti person siç kam qenë deri më tani dhe shpresoj se do të pranohet”, tha ajo.
Marin është në pushtet që nga dhjetori 2019 dhe ruan mbështetjen e partisë së saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardiqi jep dorëheqje nga Bordi Drejtues i ShSKUK-së
-
Shqipëria drejt prodhimit të dokumenteve digjitalë të identifikimit
-
Selmanaj për aferën me ambalazhues: Aliu nga konfuziteti tha shumë të pavërteta – është në siklet të madh
-
Propozimi për Tribunal Ndërkombëtar, Osmani: Skandaloze, flet për mentalitetin hakmarrës të VMRO-së
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit