Vdekja e 18 civilëve në Sumy, duke përfshirë dy fëmijë nga bombat e hedhura dje në ndërtesat e banimit, tashmë është vërtetuar.
Kjo, sipas Anton Gerashchenko, këshilltari ukrainas i Ministrit të Punëve të Brendshme.
Gërmadhat ende po pastrohen, por “fakti i vdekjes së 18 civilëve, mes tyre dy fëmijë, tashmë është vërtetuar”.
Gerashchenko vuri në dukje se vdekja e civilëve në Sumy nuk është vetëm në ndërgjegjen e rusëve, por edhe të atyre politikanëve evropianë dhe “strategëve të pafat që nuk kanë vendosur ende të na japin raketa të fuqishme anti-ajrore ose të mbyllin hapësirën ajrore”.
Rusia nisi një pushtim të plotë të Ukrainës mëngjesin e 24 shkurtit.
Putin, duke u përpjekur të justifikojë agresionin, njoftoi se po fillonte një “operacion ushtarak” për të “denazifikuar” dhe “çmilitarizuar” Ukrainën.
Gjatë 11 ditëve të agresionit, Forcat e Armatosura të Ukrainës shkatërruan më shumë se 12 mijë pushtues rusë dhe qindra njësi të pajisjeve ushtarake të armikut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
