Për herë të parë që nga viti 1900, në Holandë u regjistruan më shumë vdekje sesa lindje.
Këtë e dëshmon vlerësimi i Byrosë Qendrore të Statistikave të vendit (CBS), raporton transmetuesi vendas “NOS”.
Shkalla e lindjeve dhe vdekjeve janë afër njëra-tjetrës: vitin e kaluar kanë lindur 168 mijë foshnja, ndërsa kanë vdekur 169 mijë persona.
“Është shumë e veçantë që është hera e parë që kemi parë rënie natyrore të popullsisë”, thotë Dick Ter Stiege nga CBS-ja.
Statistikat e Holandës nuk e kanë parë këtë më parë – të paktën jo që nga viti 1900, viti me të dhënat më të vjetra në dispozicion të Statistikave të Holandës.
Vdekshmëria e tepërt është pjesërisht për shkak të viktimave të Coronavirus-it, por për disa ende nuk është gjetur shpjegimi.
Edhe gjatë Luftës së Dytë Botërore, numri i lindjeve e tejkaloi numrin e vdekjeve.
Aktualisht, nuk ka siguri që rënia e natalitetit do të vazhdojë edhe në të ardhmen.
“Ne kemi parë që shkalla e lindjeve ka ardhur duke u ulur për shumë vite dhe se shkalla e vdekjeve po rritet gjithashtu, por në tre vitet e fundit shkalla e vdekjeve ka qenë pak më e lartë për shkak të Coronavirus-it”, shtoi Ter Stiege. “Pra, në këtë kuptim, kjo rënie mund të jetë e përkohshme”.
Pavarësisht rënies natyrore, popullsia e Holandës u rrit për shkak të rritjes së migracionit.
Krahasuar me një vit më parë, rritja është pothuajse dyfishuar.
Në vitin 2021 u shtuan 115 mijë banorë, vitin e kaluar rritja ishte gati 227 mijë banorë.
Aktualisht, më shumë se 17.8 milionë njerëz jetojnë në Holandë në tërësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
-
Hetuesi privat izraelit arrestohet në Britani, pasi kreu spiunazh kibernetik
-
Britania e Madhe do të votojë pro Kosovës në Këshillin e Evropës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit