Senati amerikan votoi të enjten për të miratuar një projekt-ligj për financimin e qeverisë prej 1.7 trilion dollarësh.
Kjo, duke e dërguar atë në Dhomën e Përfaqësuesve për të shmangur mbylljen para festave.
Lajmi u bë i ditur nga agjencitë dhe transmetuesit amerikanë.
Votimi ishte 68-29 për legjislacionin gjithëpërfshirës që do ta mbante qeverinë të financuar gjatë vjeshtës së ardhshme dhe do të rishikonte ligjet zgjedhore në një përpjekje për të parandaluar një tjetër skenar si ai i 6 janarit.
Miratimi erdhi pas votimeve për një mori amendamentesh, duke përfshirë mbrojtjen e vendit të punës për shtatzënat.
Projektligji përfshin gjithashtu afro 45 miliardë dollarë ndihmë për Ukrainën pasi presidenti Volodymyr Zelensky tha në një takim të përbashkët të Kongresit se mbështetja e SHBA-ve është “vendimtare” për ta ndihmuar atë të shmangë agresionin rus.
Paketa përfshin 9 miliardë dollarë për armë dhe më shumë se 15 miliardë dollarë ndihmë ekonomike dhe humanitare.
Projektligji tani shkon në Dhomën e Përfaqësuesve, e cila ka edhe një ditë për ta miratuar atë përpara mbylljes së qeverisë në mesnatën e së premtes.
Pasi të kalojë në Dhomën e Përfaqësuesve, legjislacioni i shkon presidentit Joe Biden, i cili ka treguar se do ta nënshkruajë atë në ligj.
Disa orë pas miratimit të Senatit, Udhëheqësi i shumicës së Dhomës së Përfaqësuesve, Steny Hoyer, D-Md., tha se dhoma do të synojë ta miratojë atë të premten.
Kongresi amerikan dëshiron të ndajë 44.9 miliardë dollarë për aleatët e NATO-s
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
